Viðtaka þýfis.

Í 264. gr. almennra hegningarlaga er m.a. kveðið á um eftirfarandi: Hver sem tekur við eða aflar sér eða öðrum ávinnings af broti samkvæmt lögum þessum skal sæta sektum eða fangelsi allt að 2 árum. Sömu refsingu skal sá sæta sem geymir eða flytur slíkan ávinning, aðstoðar við afhendingu hans eða stuðlar á annan sambærilegan hátt að því að tryggja öðrum ávinning af broti. Nú er brot ítrekað eða stórfellt og getur refsing þá orðið fangelsi allt að 4 árum. Sé brot framið af gáleysi varðar það sektum eða fangelsi allt að 6 mánuðum.

 Ekki er ég hissa á að Vilhjálmur hafi ekki viljað gerast vitorðsmaður. 

Vill einhver láta bendla sig við svona lagað í raun og veru? Stjórnvöld virðast vera algjörlega vanmáttug til að taka á þrjótunum enda hlakkar hreinlega í útrásarvíkingunum þrátt fyrir að þeim sé stefnt.

Gæsluvarðhaldi er beitt í skjóli þess að vernda rannsóknarhagsmuni, þ.e. þegar hinn almenni borgari á í hlut. Í tilfelli útrásarkrimmanna virðast stjórnvöld gera kröfu til að sekt þeirra verði hins vegar sönnuð áður en þeir verða hnepptir í varðhald. Á meðan þeir leika lausum hala flytja þeir milljarðanna milli reikninga erlendis áður en nokkur nær í skottið á þeim. Væri ekki nær að hafa þá í gæsluvarðhaldi þar til búið er að finna felureikningana þar sem milljarðarnir eru? Eru það ekki rannsóknarhagsmunir? Þessi leið væri sennilega álitlegust til að kalla fram samstarfsvilja krimmanna við að finna þýfið sem þeir stungu undan enda gæti slíkt stytt gæsluvarðhald þeirra verulega.

En kannski þarf að beita meðulum sem kalla fram þá tilfinningu útrásarvíkinganna að þeir þakki almættinu fyrir ef hin almenna réttvísi hefur upp á þeim fyrst.

Afþakkaði gjafabréf í Útsvari