Pissað í skóinn.

Þetta er skammgóður vermir en hlýjar einhverjum tímabundið á tánum. Þrýstingurinn er það mikill að þetta seinkar bara því sem koma skal. Það hljóta allir að sjá að framundan er gengissig og verulegt verðbólguskot. Nú hallar undan eftir nokkurs konar uppsveiflu sem ekki var notuð til að safna til mögru áranna.


mbl.is Seðlabankinn greip inn í markaðinn
Tilkynna um óviðeigandi tengingu við frétt

Er Páll Winkel ekki réttu megin rimlanna?

Lágmark að útseld vinna sé í samræmi við það sem gengur á almennum vinnumarkaði og nægi þá til að greiða laun eins og þau gerast og öll launatengd gjöld sem og það sem kostar að hafa fólk í vinnu. Fangelsismálastofnun getur svo haldið eftir fyrir húsnæðis, fæðis og gæslukostnaði og fanginn fengi þá mismuninn. En þetta er eins og annað, löggjafinn og þeir sem fylgja eiga lögum og fullnustu eftir fara fremstir í flokki við að sniðganga lögin og brjóta niður íslenskt samfélag. Ekki að undra að lýðurinn telji sig þurfa að fara að lögum. Páll er greinilega ekki réttu megin rimlanna.


mbl.is Fangar með 400 krónur á tímann
Tilkynna um óviðeigandi tengingu við frétt

Dagur er framkvæmdastjórinn

Borgarstjóri er framkvæmdastjóri borgarinnar. Hann ber því ábyrgð á því sem miður fer á sama hátt og framkvæmdastjóri hlutafélaga og skiptir þá engu heilsufar viðkomandi. Hafi menn ekki heilsu til að sinna starfi framkvæmdastjára þá eiga menn að stíga til hliðar. Framkvæmdastjóri hlutafélags getur ekki borið fyrir sig að heilsuleysi hafi leitt af sér að hann hafi ekki haft yfirsýn yfir reksturinn. Hann er sá aðili sem er ábyrgur burtséð frá því hvaða sakir undirtyllur hans viðurkenna á sig.


mbl.is „Alveg á hreinu“ að Dagur vissi ekkert
Tilkynna um óviðeigandi tengingu við frétt

Félagi Napóleon.

Það er þekkt í mannkynsögunni að þegar bjarga á hinum kúguðu undan okinu þá eru þeir sem taka við stjórninni síst skárri. Þegar nýlenduherrarnir gáfu eftir þau lönd sem nú eru undir stjórn innfæddra í Afríku þá færði það íbúunum bjarta von en lífskjörin versnuðu. Stéttarfélög samtímans eru tímaskekkja. Félagsaðild er þröngvað upp á alla en stéttarfélögin gera lítið fyrir þá sem halda forystufólkinu í vellystingum. Á milli 25 - 30.000 manns er haldið í þrælafjötrum undir forystu verkalýsforystunnar. Óþarft er að hafa mikinn orðaflaum um þetta - allir sem hafa áhuga á að vita hvernig þessu er háttað taki sér bók í hönd sem heitir Animal Farm, í íslenskri þýðingu Félagi Napóleon.


mbl.is Mikil átök á skrifstofu Eflingar
Tilkynna um óviðeigandi tengingu við frétt

Menntun ein og sér gagnslaus.

Auðvitað finnst Ólínu fram hjá sér gengið enda sér hún hlutina í öðru ljósi en flestir aðrir og ber frekjuna utan á sér. Það er eftir því tekið hve margir tala hvað fólk eigi að vera merkilegt eftir því hve sprenglært það er á rassinn. Slagorð einnar sem stakk af frá störfum sínum á Alþingi á fullum biðlaunum og starfar nú fyrir BHM er: "Metum menntun til launa". Margt af þessu fólki gerir ekkert gagn og þvælist jafnvel fyrir. Það ætti miklu frekar að greiða fólki í samræmi við þau verðmæti sem vinna þeirra skilar. En þá væri margur embættismaðurinn nú tæplega matvinnungur.


mbl.is Einar ráðinn þjóðgarðsvörður
Tilkynna um óviðeigandi tengingu við frétt

Með hnút eða slaufu ?

Hvernig er skilorðsbundið fangelsi ? Er það með hnút eða slaufu? Skrifaði illa máli farinn  Austantjaldur þessa frétt?


mbl.is Lögreglumaður í skilorðsbundið fangelsi
Tilkynna um óviðeigandi tengingu við frétt

Lyfta rössunum, koma svo!

Hvernig væri nú að fara að lyfta rössunum og taka á þessari glæpamennsku? Það er hrúgað upp reglugerðum, settir á starfshópar sem ekki gera annað en að blaðra og bulla og svo fá útvaldir fría áskrift að laununum sínum í skjóli starfa við eftirlit sem ekki er á nokkurn hátt sinnt. Ekki nóg með að hér komist skúrkar upp með að stunda þrælahald í sinni svörtustu mynd heldur njóta þrælahaldararnir algerrar friðhelgi fyrir réttvísinni. Þekkt er að hjá starfsmannaleigum sem í flestum tilvikum eru ekki annað en mansalshringir er þeim gjöldum sem dregið er af, húsaleiga, bílakostnaður ofl. stungið í vasann án þess að þrælahaldararnir telji þetta fram til tekna hjá sér. Embættismannakerfið á Íslandi er algjörlega ónýtt uppúr og niðurúr. Þekktir kennitöluflakkarar stinga af frá vörslusköttum upp á hundruð milljóna án nokkurra eftirmála og stofna síðan til nýrrar glæpastarfsemi aftur og aftur. Eftir því sem bætir í ríkisbáknið versnar ástandið. Embættismannakerfið er orðið skjól fyrir algjöra aumingja sem ekki eru nothæfir í nokkra ærlega vinnu.


mbl.is Óska eftir fundi eftir umfjöllun Kveiks
Tilkynna um óviðeigandi tengingu við frétt

Handónýt yfirvöld.

Þetta hefur viðgengist í mörg ár og versnar bara. Eftirlitsbáknið þenst út en einungis í þeim tilgangi að þeir sem þar starfa eru áskrifendur að laununum sínum. Byggingabransinn er sérlega slæmur og virðast ferðaþjónustuaðilar fylgja fast á eftir. Kolsvört atvinnustarfsemi á báðum stöðum. Framkvæmdastjóri SA var í viðtali í sjónvarpinu í kvöld og staðfesti með svörum sínum að hann væri bæði blindur og heyrnarlaus. Það er sama hvar borið er niður, hjá Vinnumálastofnun, Vinnueftirlitinu, skattyfirvöldum, jú öllu sem er á ríkisjötunni - enginn yrði var við þó allt þetta hyski yrði rekið á einu bretti og heila klabbið lagt niður í allri sinni dýrð. Svo taka fyrirtæki sem hvítþvo sig sjálf þátt í svindlinu með viðskiptum við skúrkana og bera fyrir sig að þau hafi bara ekki vitað neitt - en til að hafa ekki tekið eftir neinu þarf augljóslega alveg sérstaka hæfileika. Á meðan blæðir svo þeim út sem sannanlega vilja gera allt samkvæmt lögum og reglum en eðlilega eru þeir að deyja út. Er svo einhver hissa á að erfitt sé orðið að fá Íslendinga til að starfa í þessum greinum - þó mikill fjöldi sé á atvinnuleysisbótum?


mbl.is „Í sömu gildru og hundruð annarra“
Tilkynna um óviðeigandi tengingu við frétt

Sprenglærðir snillingar.

Þrátt fyrir að í bankanum séu sprenglærðir snillingar á ofurlaunum í alls kyns fjárstýringum og áhættugreiningum rekur hvert áfallið annað. Hve mikið ætli bankinn eigi hjá öðrum "playboy" í þessum bransa sem tapast þegar sú svikamylla hrynur? Það er margur ómenntaður kotbóndinn sem er greinilega hæfari í svona fjárglæfrastarfsemi en srákarnir (og stelpurnar) á stuttbuxunum.


mbl.is Arion tapar háum fjárhæðum
Tilkynna um óviðeigandi tengingu við frétt

Fagurgalarnir.

Annar fagurgali var mjög yfirlýsingaglaður fyrir nokkrum dögum síðan. Hann upplýsti fjölmiðla m.a. um að hafa náð lágmarksfjármögnun sem hann stefndi að. Allt voru það ónefndir fjárfestar sem áttu að hafa keypt skuldabréf í Evrum á 9% vöxtum. Innlendu bankarnir voru sagðir hafa hafnað þáttöku. Kannski eru þessir ónefndu fjárfestar ekki til í raunheimum og annar skellurinn og öllu verri ríður yfir áður en langt um líður ? Vonandi ekki samt, en......... einhverjar efasemdir læðast samt að manni.  


mbl.is Yfirlýsingagleði þrátt fyrir vandræðin
Tilkynna um óviðeigandi tengingu við frétt

Um bloggið

Örn Gunnlaugsson

Höfundur

Örn Gunnlaugsson
Örn Gunnlaugsson

Færsluflokkar

Okt. 2018
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Nýjustu myndir

  • ...p1011234

Heimsóknir

Flettingar

  • Í dag (28.3.): 4
  • Sl. sólarhring: 6
  • Sl. viku: 35
  • Frá upphafi: 115655

Annað

  • Innlit í dag: 4
  • Innlit sl. viku: 28
  • Gestir í dag: 4
  • IP-tölur í dag: 4

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband