Margur verður af aurum api.

Það hefur orðið mörgum um megn að eignast mikið fé. Sumum hefur jafnvel nægt að umleika mikla fjármuni sem þeir eiga í raun ekki sjálfir til að missa allt raunveruleikaskyn. Þetta á svo sannarlega við í þessu dæmi hér.

Bílastæðin á 60-70 þúsund kr. á mánuði

Umboðsmaðurinn eða útgerðarmaðurinn ?

Ef ég man rétt þá var Einar kallaður umboðsmaður Íslands hér áður en nú er þetta farið að hljóma eins og hann geri fólk út. Undarlegt er hve aðkoma hans að málinu er áberandi. 

Kanna hvort um fjárkúgun sé að ræða

Veljið ykkur starf sem þið ráðið við.

Þeir sem sitja á þingi í dag virðast vera svo getulausir til vinnu að ekki sér í þá fyrir hækjuskógi kringum þá. Til viðbótar við allar aðstoðarhækjurnar er svo haugur embættismanna sem er að sýsla við eitthvað sem engu máli skiptir fyrir almenning. Er ekki rétt að þetta fólk fá sér eitthvað að dunda við sem það ræður við?

Engin þörf á 17 aðstoðarmönnum

Lúta öðrum lögum?

Þeir sem gerast brotlegir við lög geta almennt ekki borið fyrir sð þeir muni draga lærdóm af fyrr en þeir hafa tekið út sína refsingu. Þurfa ekki þeir sem bera hina miklu ábyrgð og taka laun samkvæmt því að fjúka og jafnvel að sitja af sér einhvern tíma? Eða lúta þeir öðrum lögum en lýðurinn?

SÍ hljóti að draga lærdóm af dómnum

Hve hratt fara fyrirflækingarnir?

Þá er bara að sjá hvort fyrirflækingarnir hjá Samkeppniseftirlitinu geti ekki dregið lappirnar nógu lengi til að WOW blæði örugglega út áður en málið er í höfn. Það breytir svo sem engu fyrir neytendur því hvort sem er verður sama niðurstaða.

Icelandair leggur til hlutafjárhækkun

Háttfirrtur og hæstfirrtur !

Það rifjast upp við lestur þessarar fréttar ávarpið sem Sverrir Stormsker kom með um árið. Það má ljóst vera að þeir sem sitja þennan skrípaleik á Austurvelli eru langt frá því tengdir almenningi í landinu og sannast það með því hvernig þeir ávarpa hvern annan. Nær væri "....firrtur" í stað ".....virtur", því almennt ber hinn venjulegi þegn alls enga virðingu fyrir þessu liði sem þarna situr og jarmar.

Hætti að vera hátt- og hæstvirtir

Háð fyrirflækingunum ?

Það er ávallt orðað þannig í fréttaflutningi "ef kaupin ganga eftir" , eða "ef af verður". Það verður að teljast nokkuð líklegt að hluthafafundur Icelandair samþykki yfirtöku á WOW. Þá stendur eftir ákvörðun fyrirflækinganna hjá Samkeppniseftirlitinu. Maður veltir því fyrir sér hver tilgangurinn er með því að tefja málið þar við að skrifa álit og skýrslur sem munu í raun ekki breyta neinu um niðurstöðuna. Það er aðeins sóun á skattfé. Það eru tvær leiðir í boði en gefa sömu niðurstöðu. Önnur leiðin er að Icelandair yfirtaki WOW eins og lýst hefur verið að samið hefur verið um eða að fyrrnefndir fyrirflækingar í Borgartúninu dragi lappirnar þar til WOW blæðir út og fer í þrot. Báðar leiðir gefa sömu niðurstöðu, þ.e. að einn innlendur aðili verður ráðandi á þessum markaði. Það breytir því samt ekki að fjöldi erlendra félaga flýgur til og frá Íslandi þó hlutdeild þeirra sé lítil en hún eykst kannski við þessar breytingar, hver veit?

Skuldirnar þyngja róðurinn

Þverhausar.

Þessir aðilar virðast jafnvel meiri þverhausar en skipstjórinn á Víkartindi hér um árið. Tilbúnir til altjóns vitandi það að geta gengið skraufþurrir frá borði. Ef fólk er skyldað til greiðslu aðildargjalda í félög sem það kærir sig jafnvel ekkert um að vera í þá hlýtur það að eiga að njóta atkvæðisréttar til jafns við alla aðra í félaginu. Þetta mál er ákaflega gott dæmi um hvers vegna afnema á skylduaðild að stéttarfélögum.

Líkja félaginu við skip í brotsjó

Hver á félagið ?

Er þetta ekki félag formannsins ? Hann er amk. orðið eldra húsgagn þar en Þistilfjarðarmóri er á Alþingi! Hvað vill einhver óbreyttur félagsmaður upp á dekk? Lengi vel var ákvæði í kjarasamningum um að félagsmenn ættu forgangsrétt að plássum á skipum viðsemjenda. Samkvæmt þessu þá er núverandi formaður félagsins kominn með mannskapsmál skipafélaganna á sínar hendur.

Fordæma brottrekstur Heiðveigar