Kata er í aðstöðu til að hreinsa til.

Nú verður fróðlegt að sjá hvort Kata lætur kné fylgja kviði og hreinsar þetta dómgreindarlausa fólk út úr öllum þeim fyrirtækjum í ríkiseigu þar sem þessi spilling hefur viðgengist. Hún er í lykilaðstöðu til að láta það gerast. Það er nákvæmlega engin eftirspurn eftir þessu ómissandi fólki. En einhvern veginn efast maður um að nokkuð verður gert til að hemja þessa græðgi. 


mbl.is „4 milljóna króna laun eru ekki hófleg“
Tilkynna um óviðeigandi tengingu við frétt

Verkalýðsforistann var ekki kjörin á þing.

Verkalýðsforingjar vaða í villu og telja að ríkið eigi að koma að samningum sem það á enga aðild að. Forheimskan er svo mikil að vísa í tugþúsunda manna félagsaðild en létt skautað fram hjá þeirri staðreynd að mikill meirihluta þeirra hefur aldrei sótt um aðild og er aðeins talinn með vegna félagsgjalda sem launagreiðendur eru skikkaðir til að halda eftir. Stjórnvöld eiga ekki að skipta sér að vinnudeilum eða kjarasamningum aðila vinnumarkaðarins en þessi fábjánagangur virðist vera orðin hefð. Hins vegar eiga stjórnvöld að sjá sóma sinn í því að hreinsa út stjórnir ríkisfyrirtækja og skipa nýjar fólki sem hefur dómgreind til að semja um laun forstjóranna á hóflegum nótum. Margir þeir sem þiggja þau ofurlaun sem undanfarið hafa verið í umræðunni trúa því í raun að þeir sjálfir séu alveg ómissandi. Þeir hinir sömu hefðu gott af því að heilsa upp á fólk af sama sauðahúsi sem nú hvílir í kirkjugörðum landsins algjörlega ómeðvitað um að við sem enn erum jarðlífsmegin tókst með einhverjum undraverðum hætti að halda áfram án þess að þeirra nyti við. Þarna kemur að þeim afskiptum sem stjórnvöld eiga að hafa en að öðru leyti ættu þau að láta fólk almennt í friði.


mbl.is Sakar Bryndísi um hroka
Tilkynna um óviðeigandi tengingu við frétt

Aldursrænt sjálfræði.

Það verður að gæta jafnræðis og hljóta nú þeir sem upplifa sig á öðrum aldri en þeir í raun eru að eiga rétt á að fá aldur sinn skráðan í samræmi við eigin upplifun. Ekki langt er síðan að fréttist af karli nokkrum sem skráður var tæplega sjötugur en upplifði sig sjálfan ekki degi eldri en fertugan. Sagðist hann líða vítiskvalir af þessum sökum og nefndi hann að það væru ekkert nema gamlar kerlingar að setja sig í samband við hann á Tinder, svona bráðungan manninn. Þá ætti fólk að fá að velja skráða hæð sína í vegabréf en ég er td. skráður hálfgerður dvergur þar þó ég upplifi mig sjálfur sem háan og spengilegan mann rétt kominn yfir afengiskaupaaldurinn. Ég held að rétt sé að halda sig við skráningu á líkamlegum einkennum, annað er bara til að flækja málin þegar bera þarf kennsl á fólk. En íslenskt samfélag er orðið daprara en nokkuð sem getur kallast brandari lengur sem hægt er að hlægja af og er það vegna þess að alls kyns veruleikafirrtir furðufuglar hafa fengið sínum hugmyndum framgengt á kostnað samborgara sinna.


mbl.is Hætta á óafturkræfum inngripum
Tilkynna um óviðeigandi tengingu við frétt

Costco heilkennið

Í Costco má fá ýmislegt sem vandfundið er annars staðar eins og frosna sjávarrétti sem eru þó ekkert ódyrari en þar sem þeir finnast annars staðar. Kjötmeti þar er dýrara en annars staðar og þó það líti vel út í pökkunum sem allir eru í yfirstærð hefur það oftar en ekki valdið vonbrigðum þegar þeir eru opnaðir. Ávextir og grænmeti er eitthvað sem ekki er ástæða til að eltast við þar enda jafngott eða betra að gæðum  annars staðar á jafnvel hálfu Costco verði, og hægt að kaupa það magn sem hentar. Hins vegar verður ekki tekið af Costco að hreinlætisvörur eins og salernispappír og handþurrkur eru hvergi á betra verði en þar m.v. gæði og allt í góðu að eiga slíkan varning til ársnota í skúrnum, ég tala nú ekki um fyrir þá sem glíma við mjúkar hægðir. Þá er alls kyns óþarfi á góðu verði þar, óþarfi sem maður kaupir annars ekki. Ekki má gleyma hinum glæsilegu sushi bökkum sem ekki eru bara í yfirstærð heldur bitarnir sjálfir líka, því miður er stækkunin öll í hrísgrjónunum. Verst er þó að þeir eru algjörlega bragðlausir og því engan veginn sambærilegir við það sem boðið er upp á víðast hvar annars staðar. En til er fólk sem trúir því að ALLT sé best og ódýrast í Costco. Sagt er að maður eigi ekki að skipta sér að trú og pólitískri rétthugsun annarra og megi ég því eiga skömm fyrir.


mbl.is Grænmetismarkaðurinn jafnar sig
Tilkynna um óviðeigandi tengingu við frétt

Leikaraskapur.

Er ekki hægt að láta þetta fólk sinna einhverju gagnlegu? Meirihluti starfsmanna ríkis og sveitarfélaga virðist hafa orðið ofan af sér með eintómum fíflagangi á fullum launum hjá skattgreiðendum.


mbl.is Mótmæla opinberri einkunnagjöf
Tilkynna um óviðeigandi tengingu við frétt

Superwoman.

Jafnvel Superman kemst ekki með tærnar þar sem þessi ofurkona hefur hælana. Verst að hún trúir því sennilega sjálf.


mbl.is 44 milljóna árslaun bankastjóra
Tilkynna um óviðeigandi tengingu við frétt

Þið getið rekið þetta fólk.

Stjórnvöld velja fólk í þessar stöður. Þeim er því í lófa lagið að reka þetta hyski þegar það sýnir svona dómgreindarleysi. En því miður virðist dómgreind þeirra vera á pari við þá sem þeir ættu að reka þannig að ekkert mun breytast í þessum efnum.


mbl.is Hækkanir forstjóra „óþolandi“
Tilkynna um óviðeigandi tengingu við frétt

Einræðisherfur.

Ekki nægir þeim að stjórnarandstaðan hafi formanninn. Þær vilja líka ákveða upp á sitt einsdæmi hver það er. Sannkallaðar einræðisherfur.


mbl.is Hanna Katrín: „Geymt en ekki gleymt“
Tilkynna um óviðeigandi tengingu við frétt

Eignaupptaka.

Það kemur ekki á óvart að Indriði skuli samsama sig með þeim sem vilja gera eignir einstaklinga upptækar. Hugmyndir hans og Stefáns um að gera upptækar eignir þeirra sem sýnt hafa ráðdeild og farið sparlega með og kalla slíka upptöku auðlegðarskatt er dæmigert fyrir aðila sem lítið sem ekkert leggja til og/eða hafa verið í því megnið af ævinni að sólunda fé annarra. Þessir aðilar ættu að sækja um landvistarleyfi í Venezuela og taka skoðanasystkin sín með sér. Með eignaupptöku af þessu tagi er verið að hirða fjármuni af fólki sem þegar hefur greitt skatta af þessum verðmætum og breytir þá engu hvaða nöfnum slík rán eru gefin. Er ekki miklu betra að ríkið hirði bara allar eigur af fólki á einu bretti frekar en að gutla við þetta á löngu árabili? Rétt væri að skoða hvað þeir sem aðhyllast svona skoðanir hafi lagt sjálfir til samfélaginu áður en þeir fá leyfi til að fara ránshendi um híbýli annarra.


mbl.is Þrepakerfi á allt að 59 milljarða króna
Tilkynna um óviðeigandi tengingu við frétt

Nær að tala um leti.

Atvinnuleysi á Íslandi er ekki til en hins vegar er leti talsverð og fólki esm ekki nennir að vinna eru borgaðar svokallaðar atvinnuleysisbætur. Framleiðsla á fólki með menntun sem lítil sem engin eftirspurn er eftir hefur færst í aukana á meðan innflutningur á Austantjöldum heldur áfram. Í stað þess að Austantjöldunum hafi verið innrætt vinnumenning sem var til staðar í landinu fyrir einhverjum árum síðan þá hafa þeir flutt inn menningu sína frá Austantjaldslöndunum sem hefur fært afköst og framlegð niður á óþekkt stig. Þó fólk hafi menntað sig í einhverju sem markaðurinn er yfirfullur af þá hættir það fólk ekki eða geta unnið almenn störf þar sem eftirspurn eftir vinnuafli er til staðar. Hugsanlega væri hægt að tala um atvinnuleysi ef þau störf sem búin hafa verið til á undanförnum árum og eru algjörlega óþörf yrðu lögð niður þó langt sé í land þar sem meira en 20.000 Austantjaldar leynast í þrælakistum Íslands og fer frekar fjölgandi. Þeim mætti skipta út í þeirri viðleitni að endurheimta gamla góða tíma.


mbl.is Atvinnuleysi 2,4% á fjórða ársfjórðungi
Tilkynna um óviðeigandi tengingu við frétt

Næsta síða »

Um bloggið

Örn Gunnlaugsson

Höfundur

Örn Gunnlaugsson
Örn Gunnlaugsson

Færsluflokkar

Feb. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28    

Nýjustu myndir

  • ...p1011234

Heimsóknir

Flettingar

  • Í dag (29.3.): 4
  • Sl. sólarhring: 7
  • Sl. viku: 27
  • Frá upphafi: 115659

Annað

  • Innlit í dag: 3
  • Innlit sl. viku: 26
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband