Ættu að vera endurskoðendur.

Skiptastjórar ættu að vera endurskoðendur en ekki lögfræðingar eðli málsins vegna.

Gagnrýna skipun skiptastjóra

Trygging einnar vélar borgar ekki gjöld hinna.

Isavia hélt aðeins einni vél sem tryggingu fyrir uppgjöri á göldum allra véla sem WOW var með í notkun. Afar hæpið að Isavia nái að fá greidd óuppgerð gjöld nema aðeins vegna þessarar einu vélar. Hver vél er yfirleitt í eigu sérstaks eignarhaldsgélags sem er oft undir móðurfyrirtæki sem leigir þær út. Þetta er alþekkt í flutningastarfsemi á alþjóðavísu. Félagið sem á þá vél sem Isavia hefur hald í ber ekki ábyrgð á gjöldum hinna válanna sem flognar eru burt. Gjöld vegna þeirra eru því Isavia töpuð. WOW átti engar vélar. Tímabært að fréttamenn og þó sérstaklega Isavia fari að átta sig á þessu. Þá er óþolandi að forsvarsmenn opinberra fyrirtækja, jafnvel þó þau seu OHF komist upp með að svara engu um rekstur þeirra til almennings, sérstaklega þegar þeir eru búnir að gera svo hressilega í sig að tekur áratugi að losna við fnykinn. Bæði Isavia og Samgöngustofa hafa sýnt almenningi mikinn hroka varðandi WOW en bæði þessi opinberu fyrirtæki áttu í raun að vera búin að stöðva þennan vitleysisgang fyrir mörgum mánuðum. Það þarf að moka út á báðum stöðum og láta forsvarsmenn þessara fyrirtækja bera það fjárhagslega tjón sem þeir hafa valdið að því marki sem þeir hafa bolmagn til í ljósi þeirra launa sem þeir hafa vegna gríðarlegrar ábyrgðar í starfi.

Allar vélarnar á jörðu niðri

Hræðilegt, já að ekki var hætt fyrr.

Hræðilegast er að þessi glaumgosi hafi ekki verið stöðvaður löngu fyrr. Nú þurfa landsmenn allir, líka þeir sem aldrei flugu með WOW að borga brúsann. Opinberir aðilar fóru í broddi fylkingar fyrir því að viðhalda hinum ósjálfbæra rekstri og auka enn frekar á tjónið. Þó WOW hverfi af markaði þá fer ekki allt á hliðina á Íslandi. Fjöldi annarra flugfélaga flýgur til og frá landinu og hefur verið hægt að fá flugmiða á lágu verði hjá þeim en samt raunhæfu og verður svo ábyggilega áfram. Fullyrðingar um að allt að 3.000 manns missi vinnuna vegna gjaldþrots WOW er tóm þvæla í besta falli. Sé rekstur WOW skoðaður í þessu ljósi þá er það  sambærilegt við atvinnubótavinnu í Sovét á árum áður - allt í bullandi tapi. Samfélagið er að kosta menntun heilbrigðisstarfsfólks með ærnum tilkostnaði en í stað þess að samfélagið fái þetta fólk til starfa inn á heilbrigðisstofnanirnar þá gerist það gengilbeinur í háloftunum. Sumir segja að launin séu svo léleg á spítölunum, en eigum við ekki að hafa samanburðinn sanngjarnann ? Flugliði fær störan hluta launanna greiddan í formi dagpeninga sem ekki er greiddur tekjuskattur af, hjúkrunarfræðingurinn kemst hins vegar ekki upp með slík skattalagabrot, hann þarf að greiða skatt af öllum sínum launum. Hvaða kjör myndir þú kjósa ?

„Hræðilegar fréttir“

Töpuð lendingagjöld.

Ein vél á vellinum sem veðandlag við Isavia!! Hringir engum bjöllum hjá hinum sprenglærðu sérfræðingum?  Væntanlega stenst það engan veginn að ganga í vél óskyldra eignarhaldsfélaga vegna uppgjörs lendingagjalda annarra í skjóli þess að þessi eina vél sé á vellinum til tryggingar. Í útgerð sem þessari stendur yfirleitt eitt eignarhaldsfélag fyrir hverju flutningatæki, sem í þessu tilfelli er flugvél. Leigutaki getur því ekki lagt fram veðandlag eins félags fyrir skuldum annarra, nema viðsemjandinn láti plata sig. Slíkt mun hins vegar ekki halda þegar reynir á. WOW átti engar vélar og því er skuldin við Isavia að mestu leyti glötuð. Fá forsvarsmenn Isavia núna feitan bónus eða munu hausar fjúka - og kannski greiða þeir tjónið persónulega ??? Laun og þóknanir þeirra skýrast víst af þeirri gríðarlegu ábyrgð sem þeir bera, við skulum vona að þeir bæti tjónið að því marki sem þeir hafa fjárhagslegt bolmagn til.

Leigusalarnir stöðvuðu starfsemi WOW

Húkrunarfræðingarnir aftur inn á spítalana.

Það virðist hafa verið orðið vinsælt hjá hjúkrunarfræðingum að vinna frekar í fluginu en sínu fagi. Rekstur WOW hefur verið ósjálfbær lengi, fargjöld ekki staðið undir kostnaði, þ.e. undirverðlögð sem eyðilegt hefur fyrir öðrum félögum. Þessi starfsstétt, þ.e. flugfólkið nýtur þess vafasama heiðurs að komast upp með að svíkja ónýttar dagpeningagreiðslur undan skatti, nokkuð sem fyrirtæki í öðrum greinum geta ekki keppt við. Nú fá skattgreiðendur reikninginn í gegnum Isavia, bankana og lífeyrissjóðina. Isavia þarf að hækka lendingagjöld á þá sem eftir standa til að bera tjónið af glórulausri skuldasöfnun WOW, tæplega fjúka hausar hjá Isavia og stjórar lífeyrissjóða munu fá feitan bónus fyrir að tapa lífeyri skrælingjanna. Best væri ef allir aðilar hættu í afneitun sinni án tafar til að forða enn frekara tjóni. Svo fáum við hjúkrunarfræðingana aftur inn á spítalanna þar sem þeirra er meiri þörf en í háloftunum og það er ekki svo lítið. Enn er nóg framboð af vinnu þó blikur séu sannarlega á lofti.

Mestar áhyggjur af starfsfólkinu

En samt ekki félagafrelsi.

Þrátt fyrir félagafrelsi í orði er það ekki á borði. Stéttarfélögin fara fram með ofbeldi og SA sýnir fádæma linkind og sinnuleysi enda ekkert skárri forsvarsmenn þar en hjá verkalýðsfélögunum þar sem þeir hugsa aðeins um aðildargjöldin. Þekkt er að "samið" sé um forgangsrétt félagsmanna til vinnu og svo eru ákvæði í lögum sem tryggja að atvinnurekendum beri að draga félagsgjald af launamönnum sínum og skila því ásamt mótframlagi til þess félags sem viðkomandi launamaður hefði verið í td. bundið vinnusvæði væri hann í stéttarfélagi. Þetta er alveg óháð því hvort hann sé í raun í félagi eður ei. Löggjafinn er líka handónýtur í þessu þrátt fyrir að heil hjörð lögmanna hafi hreiðrað um sig á Alþingi. Löggjafinn þarf að taka afdráttarlaust á þessu falska félagafrelsi með því að banna með skýrum hætti skylduaðild að félögum hvaða nafni sem þau nefnast. Til þess að svo megi verða þurfum við sennilega að losna við þá af Alþingi sem eingöngu eru lærðir á afturendann.

Utanfélagsmenn óbundnir af boðun

Tryggingar Isavia ?

Ekki hefur Isavia fengist til að upplýsa um skuldir Wow við Isavia en ýmislegt sem bendir til að þær séu talsverðar. Er ekki tækkifæri Isavia að renna þeim úr greipum til að tryggja uppgjör að einhverju leyti ? Ef þessu er háttað með sambærilegum hætti og í skiparekstri þá er ekki hægt að kyrrsetja aðeins eina vél félagsins vegna skulda annarra véla heldur verður að leggja hald á hverja vél fyrir sig. Sumar vélanna eru nú þegar farnar úr landi þannig að ekkert fæst vegna þeirra. En eitthvað meira en kraftaverk þarf að gerast til að bjarga þessu vonlausa dæmi úr þessu. Í ljósi supermanna-ofurlauna sem æðstu stjórnendur ríkisfyrirtaækja njóta í skjóli gríðarlegra ábyrgða þarf almenningur sem á þessi fyrirtæki kannski ekki að hafa áhyggjur af tapi á svona smáaurum. Ábyrgðin sem þessir stjórar bera hlýtur að felast að hluta til í að þeir bæti svona tjón persónulega ef illa fer, er ekki svo?  

Tugprósenta afskriftir í húfi

Rétta klukku fyrir alla.

Þetta snýst ekkert um að spila golf. Auðvitað á klukkan bara að vera rétt miðað við hnattstöðu. Sé farið að skyggja of snemma fyrir kúlnaglamrara þá verða þeir bara að fá sér höfuðljós.

Gæti leikið golfiðkendur grátt