Að gera bestu kaupin.

Þar sem þessir aðilar vaða í peningum skattgreiðenda er ekki von á góðri niðurstöðu. Það átti að byrja á að grisja úr þá sem ekki teljast hæfir. Þeir sem eftir sitja og teljast hæfir eiga svo að bjóða í alveg eins og verktakarnir gera í útboði verklegra framkvæmda. Lægstbjóðandi tekur síðan að sér verkið. Nei, þar sem elítan skiptir milli sín í góðra vina hópi gilda allt aðrar reglur, búið er að ákveða ofurlaun sem eru langt umfram það sem aðrir hæfir eru tilbúnir til að sætta sig við. Rán og þjófnaður ribbaldalýðs. En þar fyrir utan er ríkisútvarp bara tímaskekkja.

„Tel að við höfum valið þann hæfasta og besta“

Bauð hann lægst í að sinna þessu?

Bauðst Stefán til að taka að sér starfið fyrir lægsta upphæð af þeim sem taldir voru hæfir ? Sé raunin ekki sú er verið að fara illa með fé skattgreiðenda og kalla verður þá aðila á teppið sem bera ábyrgð á því. Útboðsleiðin virkar ekki bara í verklegum framkvæmdum.

Stefán Eiríksson ráðinn útvarpsstjóri

Barnapúður á embættismannabossa.

Sífellt meira af síhækkandi sköttum er notað til að fjármagna barnapúður á bossa embættismanna. Þetta sýnir í hnotskurn að það sem skattgreiðendur leggja í púkkið til reksturs samfélagsins fer meira og meira í að dekra við handónýta embættismannaelítuna. Þessi sjálftökuhópur étur sífellt stærri hluta af kökunni og svo er bara bætt í skattheimtu ef þessir aðilar standa ekki hreinlega á blístri af ofneyslu.

Ekkert í kistunni

Að njóta réttar vegna eigin heimsku.

Það var ljóst á þessum tímapunkti að félagið var í raun löngu gjaldþrota og var enn í gríðarlegum taprekstri vegna undirboða. Nú ætla þeir aðilar sem settu fé í þetta að sækja rétt sinn í skjóli eigin heimsku. En kannski var plottið það að ríkið kæmi inn á seinni stigum og bjargaði svikamyllunni eins og orðrómur var um. Þá hefðu þessir aðilar væntanlega fengið gullpottinn í spilavítinu. Margur verður af aurum api. Maður ætti kannski ekki að orða þetta svona í virðingarskyni við apana. 

Krefja stjórnendur WOW um milljarða skaðabætur

Útboðsleiðin.

Hér þarf að flokka úr hverjir umsækjendanna teljast nægilega hæfir og þeir sem það eru bjóða svo í hvað þeir eru tilbúnir til að sinna starfinu fyrir lítið. Lægstbjóðandi verði svo ráðinn í starfið. Í þágu skattgreiðenda. Hér á útboðsleiðin svo sannarlega við.

Stefán sagður vilja verða útvarpsstjóri

Algjör snilld.

Helguvíkurdæmið er bara tær snilld sem enginn meðalvanviti hefði fjárfest í. Það gera bara snillingar.

Valitor og Helguvík þurrka upp hagnað Arion

Í boði skattgreiðenda.

Hér bjóða óhæfir og handónýtir þjónar almennings á ofurlaunum enn og aftur ofan í buddu almennings. Enginn ber nokkra ábyrgð og embættismennirnir geta áfram vaðið um eins og yggsnabeljur vissir um að skattgreiðendur greiða fyrir allt þeirra klúður.

Fengu 112 milljónir í bætur

Þjófnaður og skattsvik.

Að nota ferðapunkta sem fengnir eru með þessum hætti er ekkert annað en þjófnaður. Þá fá þingmenn greidda dagpeninga sem ekki eru nýttir til greiðslu ferðakostnaðar og af þeim á lögum samkvæmt að greiða tekjuskatt en er ekki gert og viljandi gera skattyfirvöld ekkert í málunum vegna þess að þar á bæ njóta menn góðst af svindlinu. Hér er verið að ræna skattgreiðendur. Ég átti ágætis samtal við Frosta um þessi mál meðan hann var þingmaður. Það kom mér talsvert á óvart að heiðarlegur og heilsteyptur maður eins og hann sem loksins hafði náð inn á þing gerði ekkert í þessu. Því miður virðast allir sem þarna sitja vilja þegja þessa hluti í hel sjálfum sér til ávinnings sem er alveg sorglegt. En spillingin lifir gósenlífi á Íslandi hjá þeim sem eiga að uppræta hana. Þeir eru á launum hjá þeim sem borga spillinguna, þ.e. skattgreiðendum sem bera tjónið.

Fór aldrei til útlanda á kostnað þingsins

En fær hann laun á meðan ?

Gott er að einhverjir skuli vakna til lífsins þegar obbarnir klúðra. Það er svo sem engin furða að ekki sé óskað eftir vinnuframlagi þessa aðila þegar kemur að einföldum útreikningum. Hann hefur sýnt og sannað að getur ekki reiknað rúmmál rétt.

Framkvæmdastjóri Sorpu víkur

Hér hentar útboðsleiðin vel.

Það verða sennilega þó nokkrir hæfir sem sækja um þetta embætti og því mun útboðsleiðin henta vel hér. Umsækjendur setja þá í lokað umslag með umsókninni fyrir hve lítið þeir vilja taka starfið að sér. Þegar búið er að velja úr þá sem hæfir eru verður þá sá af þeim valinn sem vill taka starfið að sér fyrir lægstu greiðslu. Þessi leið er ma. notuð við val á verktökum til opinberra framkvæmda og hefur gefist vel. Það er ekkert sem mælir á móti því að nota hana líka þegar ráðið er í störf sem þessi. Skattgreiðendur hljóta að eiga rétt á að verslað sé þar sem þau gæði sem gerð er krafa um fást fyrir sem minnstan pening, er ekki svo? 

Páll sótti um embætti ríkislögreglustjóra