Ekki versti listinn að vera á.

Vanskilaskrá Creditinfo er ekki versti listinn að vera á núna. Það er hins vegar spurning hvar glæpahyskið sem stjórnar fjármálafyrirtækjunum fékk leyfi til að setja fólk á þennan lista sem óráðsíufólk og dreifa út um allar jarðir. Væri ekki nær að lista upp glæpahyskið í fjármálafyrirtækjunum og hafa þann lista aðgengilegan svo hægt sé að vara sig á slíku pakki? Hann gæti kallast Crimeinfo. Auðvitað eru einhverjir á lista Creditinfo sem sem lentu þar vegna eigin verka en langflestir sem lenda á þessum lista í kjölfar hrunsins verða þar vegna verka glæpahyskis fjármálafyrirtækjanna. Nú eru fimm mánuðir frá því Hæstiréttur staðfesti að stjórnendur fjármögnunarfyrirtækjanna gengu gegn lögum 38/2001. Þeir sem brjóta lögin eru lögbrjótar og annað heiti yfir þá er glæpamenn. Fimm mánuðir og engum hefur verið birt ákæra enn. Ákæruvaldið hér á landi er mjög þungt og þreytt þegar kamur að glæpum þessara stórkrimma en þess sprækara þegar einhver ógæfumaðurinn mígur utan í húsvegg eða hnuplar einhverju smáræði til að seðja sárasta hungrið. Kærur sem stórglæpamenn fjármálafyrirtækjanna leggja fram fá nánast flýtiafgreiðslu á sama tíma og kærur lántakenda á hendur sjórnenda fjármögnunarfyrirtækjanna vegna gertækis/ólögmætra vörslusviptinga er stungið undir stól. Svo halda glæpamennirnir í fjármálafyrirtækjunum áfram að þjarma að fórnarlömbum sínum á grundvelli rangra útreikninga og neita að skila því sem þeir hafa oftekið. Svo geta menn spurt sig að því hverjir stjórna í raun réttarkerfinu hér. Er ekki talað um skuggastjórnendur?

101 þúsund vanskilamál