Að fá eitthvað fyrir ekkert.

Eins og ég skil þetta þá ætlast þeir sem eiga sér þá drauma að koma þessu svokallaða flugfélagi á koppinn til þess að fá stóran eignarhluta í því án þess að leggja nokkuð fjármagn til sjálfir. Svona lagað gengur aðeins gegnum klíkuskap en aðeins þeir sem eru rétt tengdir inn í lífeyrissjóðina og álíka staði þar sem mikið fé er án hirðis eiga greiða leið að peningum annarra án þess að taka nokkra áhættu sjálfir. Það hlýtur að vera lítið mál fyrir þessa aðila að fá lánsfé á svo góðum vöxtum eins og 25% sem þeir eru að bjóða. Eina sem þeir þyrftu að leggja á móti væru þá trygg fasteignaveð eða sambærilegt. Þessir aðilar hljóta að eiga einhverjar fasteignir sem þeir geta þá veitt veð í á 1. veðrétti. Boðskapurinn er skýr hjá þessum aðilum: " Ef svo ólíklega vill til að módelið heppnast þá fáum við að eiga 30% og þið 70% en ef allt fer á versta veg þá töpum við 0% en þið 100%, Frábært! 

Bjóðast til að minnka sinn hlut

Athugasemdir

[Þorsteinn Siglaugsson, 4.12.2019 kl. 11:22]

Svona gengur þetta nú gjarna fyrir sig. Fjárfestar eru oft tilbúnir að setja fé í góðar hugmyndir ef þeim fylgir fólk með reynslu sem getur hrint þeim í framkvæmd. Spurningin hér er því sú hversu góð hugmyndin er og hvers virði reynsla þeirra sem standa á bak við hana er.

Veð í einhverjum íbúðum er augljóslega ekki að fara að duga til að fjármagna flugfélag, það getur maður nú sagt sér sjálfur.

[Örn Gunnlaugsson, 4.12.2019 kl. 11:32]

En þetta ætti ekki að gera það út frá skynsemissjónarmiðum. Nei, veðin ein og sér duga skammt. En séu þessir aðilar hins vegar tilbúinir til að setja eigur sínar að veði eins og aðilar sem stofna til reksturs gera oft á tíðum þá eykur það óneitanlega tiltrú annarra þar sem með því hafa þeir sýnt hve mikla trú þeir hafa sjálfir á hugmyndum sínum vegið á móti áhættunni. Ef þeir ætla ekki að hætta neinu sjálfir og taka glaumgosann á þetta þá er ekki við því að búast að neinn leggi þessu lið. Nema að hafa aðgang að fjármunum lífeyrissjóðanna þar sem enginn er hirðirinn. Hvers vegna eiga skattgreiðendur sí og æ að þera tjón af svona fuglum ? Sá núna áðan að ekki er búið að greiða nóvemberlaun og þetta endar sjálfsagt allt á Ábyrgðarsjóði launa áður en fyrsta flugið fer í loftið.