Þá andaðist hin fallega hugmynd.

Þá er hin fallega hugmynd Helga Vilhjálmssonar væntanlega úr sögunni. Ég sem var farinn að hlakka til að geta keypt gott herbergi fyrir mig og konuna þar sem við færumst óðfluga nær þeim hópi sem ekki er lengur talinn til gagns í samfélaginu. Amk. er ekki inni í myndinni að láta féfletta sig með að skipta á einbýlinu og skókassa í lyftublokk og borga jafnvel á milli eins og svo algengt er orðið meðal galinna elliglepingja í dag. Í skökössum lyftublokkanna er nefnilega ekkert við að vera en á Sögu hefði verið notarlegt að byrja kvöldið á Mímisbar, færa sig svo á Grillið og enda svo notarlega kvöldstund í Súlnasal yfir minningum liðinna ára þar sem andi Ragga Bjarna svifi yfir vötnum. En lífeyrissjóðir landsmanna eru ekki til að búa öldruðum áhyggjulaust ævikvöld, hvað þá þægilegt líf þar til flutningar í Blómabrekkuna taka við. Fjármuni lífeyrissjóðanna þarf nefnilega að nota í spilavíti gambleranna sem stjórna sjóðunum.

Vilja endurreisa rekstur Hótel Sögu

Athugasemdir

[Sigurður I B Guðmundsson, 24.6.2021 kl. 10:23]

Ef það kemur hugmynd sem hægt er að framkvæma til hagsbóta fyrir eldri borgara þá er það allt of gott fyrir kynslóðina sem byggðu upp landið fyrir núverandi kynslóð. 

[Örn Gunnlaugsson, 24.6.2021 kl. 10:46]

Það er nú einu sinni þannig að þorri gamlingja myndi ekki hafa það verr þó lífeyrissjóðakerfið yrði lagt niður, þeir hinir sömu fengju óskertan ellilífeyri frá TR en viðbótin sem lífeyrissjóðurinn átti að vera gætu menn bara átt prívat hjá sér og myndi þá ekki skerða ellilífeyrinn frá TR. Þetta kæmi sér hins vegar illa fyrir gamblarana hjá bönkunum. Þessu var nefnilega snúið við fyrir fyrir nokkuð mörgum árum, nú lítur ríkisvaldið svo á að lífeyrissjóðurinn eigi að vera númer eitt en TR eigi bara að bæta upp á ef vantar. Þetta var alls ekki hugsunin þegar lífeyrissjóðakerfinu var komið á fót. En allt þykir of gott fyrir þá sem lögðu grunninn að því þjóðfélagi sem við byggjum nú, gamlingjarnir eru bara fyrir og því fyrr sem þeir drepast því betra.