Opnið gluggana.

Í langflestum tilfellum stafar mygla í eldri húsum af því að lokað hefur verið fyrir öndun, loftræstistokkum jafnvel lokað. Ef ekki er loftað út annað hvort gegnum opnanlega glugga eða annarri loftræstingu myglar að sjálfsögð allt.

Lögreglustöðinni lokað vegna myglu

Ósnertanlegir skattsvikarar.

Enginn ágreiningur er um þessi skattsvik milli stjórnarþingmanna og stjórnarandstöðuþingmanna. Þá er ekki hjá því komist að nefna að ríkisjötufólkið hefur mestan hag af því að ferðast sem mest. Það fær greidda ferðadagpeninga sem undanþegnir eru tekjuskatti að því marki sem þeir eru nýttir til útgjalda á ferðalögum á vegum vinnuveitanda. Samt færir allt þetta lið alla upphæðina til frádráttar og kemst upp með það væntanlega vegna þess að þeir sem eiga að hafa eftirlit með þessu fá að njóta með. Hins vegar eru eigendur einkafyrirtækja teknir í nefið af sömu eftirlitsaðilum og pönkast á þeim út í hið óendanlega. En hver leggur Play að jöfnu við Icelandair ? Barnapúðursbossarnir verða jú að sitja fremst með eitt og hálft sæti og dekur á leiðinni.

Skilur ekki hvernig þetta fær að viðgangast

Kvennalistinn afturgenginn.

Þá er Kvennalistinn risinn upp frá dauðum og Sjálfstæðisflokkurinn lognaðist út af um leið.

„Verður mikil eftirsjá að Bjarna“

Glænýjar kristalkúlur.

Nú virðast allar spákerlingarnar sem telja sig sérfræðinga í þessum málum hafa spáð rangt fyrir þessari ákvörðun. Bíð ég þeim hér með alveg glænýja gerð af kristalkúlum á einstöku ofurtilboði, bílalán og raðgreiðslur í boði, reyndar á 15% kjörvöxtum. Hvernig látið er nú með þessa jakkalakka og dramadrottningar er í raun alveg sprenghlægilegt.

Óbreyttir stýrivextir Seðlabankans

Yfirskilvitlegt ?

Hér eru bankamenn að upphefja sjálfa sig með því að tala um spádóma. Það er ekki eins og þessar ákvarðanir komi frá almættinu sem ekki er hægt að hafa samband við í síma eða tölvupósti. Í stað þess að spá einhverju um það sem fólkið sem með þessi mál vélar ætlar að gera væri þá ekki nær að hringja bara upp á Svörtuloft og spyrja ? Þetta er nú enginn yfirnáttúrlegur gjörningur. Eru allir búnir að gleyma orðum Geira á Svörtuloftum síðustu mínutunum fyrir hrunið 2008 ?

Spá því að stýrivextir hækki um 0,5%