Bakkabæður óþreyjufullir.

Bakkabræður allir bíða óþreyjufullir tilbúnir með skóflurnar og húfurnar sínar. 

World Class hættir við uppsagnir

Hvað er að kaupa ?

Er þetta ekki deyjandi starfsemi? Þeim fækkar stöðugt sem eru tilbúnir til að greiða svona skrifstofum tugi eða hundruð þúsunda fyrir eitthvað sem þeir geta gert sjálfir með nokkrum músasmellum.

Ferðaskrifstofa Íslands og Heimsferðir sameinast

Setjum þjóðina alla á jötuna.

Miklu nær væri að fjölga listamannabótunum enn meira þannig að hver einasti þegn landsins geti snúið sér alfarið að listsköpun. Ekki spyrja mig hvar á að finna peningana í það, það er verkefni annarra.

Tímabundin fjölgun listamannalauna verði varanleg

Aukið fjármagn í bossapúður.

Endalaust á að púðra undir dekurbossa embættismanna í puntuembættum. Alltaf til nóg af peningum í slíkt. Væri ekki nær að fara að fjárfesta í jarðtengingum á þessa þingmenn ?

Þarfnast 5 milljóna aukalega vegna setts umboðsmanns

Grumpy Old Saga.

Helgi er svo fullur að ógölnum hugmyndum að það ætti að fá hann til að taka við stjórn landsins, ekki er nú mikil reisn yfir þeim sem nú stjórna því. Hótel Saga gæti án efa orðið mikið fyrirmyndarheimili fyrir gamlingja. Það væri ábyggilega mun meiri eftirspurn en framboð eftir plássi þar hjá fólki sem væri tilbúið til að kaupa sér herbergi þar á uppsprengdu verði. (Tæplega má nota lífeyrissjóðina sem eru að springa af peningum í svona verkefni.) A.m.k. virðist vera nóg af efnuðu eldra fólki sem lætur ginna sig í að selja sérbýli sín og kaupa litlar kytrur í kuldalegum og grámyglulegum safnkössum prýddum fjósbáru og flötum þökum á svo fáranlega uppsprengdu verði að oft þarf að reiða fram milligjöf. Eitt byggingafyrirtæki hefur sérhæft sig í framleiðslu á slíkum gamlingjageymslum og hefur náð undursamlegum árangri í okurverðlagningu sem á sér enga hliðstæðu. Má nú þá frekar bjóða mér pláss á Grumpy Old Saga þar sem við hjónin fengjum lúxuskvöldverðinn framreiddan á borðið til okkar á Grillinu með rauðvínsflösku áður en við tækjum snúning í Súlnasal undir ljúfum tónum Ragga heitins Bjarna. Um helgar mætti svo til hátíðabrigða byrja með drykk á Mímisbar fyrir kvöldverðinn. Ég vona bara að þetta gangi efti, er strax farinn að hlakka til og vona að pláss verði fyrir okkur hjónin þegar tímabært verður fyrir okkur að minnka við okkur.

Hótel Saga verði elliheimili

Mitt er mitt og þitt er mitt.

Auðvitað á ekkert að eyða peningum skattgreiðenda í svona aldursgreiningar eða nokkuð annað varðandi ólöglega innflytjendur. Það á einfaldlega að snúa því fólki við á landamærunum sem ekki hefur fengið fyrirfram útgefin leyfi til að koma til landsins og gera flutningsaðilann ábyrgann. Umsókn um landvist ætti aðeins að taka til meðferðar að því gefnu að umsækjandi sé ekki kominn til landsins. Það á ekki að láta fólk komast upp með að smygla sér hér inn og hanga hér mánuðum eða árum saman á jötunni meðan verið er að fjalla um umsóknir þeirra. Góða fólkið sem vill endilega hrúga sem flestum inn í landið af þessum toga getur einfaldlega flutt út til þeirra og hjálpað þeim þar á eigin kostnað. Það tekur þá væntanlega lögfræðingana með sem gerir hreinlega út á þennan málaflokk. Þetta fólk virðist ekki skilja að skattgreiðendur eru ekki óþrjótandi peningauppsprettur. Slagorð kommanna er: Allt mitt er mitt en allt þitt er mitt og þitt, þó aðallega mitt.

Saka Rósu um alvarlegar rangfærslur

Bakarar og smalastelpur.

Bakarar eru greinilega snillingar þegar kemur að hafnarstjórn. Það kemur kannski ekki á óvart í ljósi þess að smalastelpur eru álitnar hæfastar sem veghaldarar. Nei, bíðum nú við, skiptir pólitískur réttrúnaður og tengslanet (klíkuskapur) kannski einhverju máli í þessu samhengi ?

Lúðvík hlaut 97,3% greiddra atkvæða

Líkamsrækt Bakkabræðra.

Það nennir tæplega nokkur orðið að vinna líkamlega vinnu en það nennir að sprikla eins og brjálaðir bandítar á einhverjum líkamsræktarstöðvum. Þrátt fyrir mikið atvinnuleysi þá vantar fólk til starfa td. við mannvirkjagerð og tengd störf þar sem reynir á skrokkinn. Er ekki upplagt að fólk sem þráir svona að svitna kanni hvort það komist að í slíku og getur þá gert eitthvað gagn í leiðinni ? Bakkabræður fengu góða líkamsrækt við að moka sandi i botnlausa tunnu og að bera sólarljósið inn í húfunum sínum, þeir hafa því verið talsvert framsýnir.

Segir Þórólf hafa fóbíu fyrir líkamsræktarstöðvum

Alltaf vinnuveitandanum að kenna.

Stemmningin í vinnumarkaðsmálum hér á landi hefur undanfarið hneigst í þá átt að sitji allt fast í kjaradeilu þá sé það vinnuveitandanum einum að kenna að ekki náist að semja. Þá skiptir engu máli hve arfavitlausar kröfur viðsemjandans eru hinum megin borðsins. Þetta eru nefnilega ekki eiginlegar samningaviðræður því vinnuveitandinn virðist bara mega semja við einn aðila. Í venjulegum samningum ganga hlutirnir þannig fyrir sig að nái samningsaðilar ekki saman þá hefur hvor um sig frelsi til að finna sér annan aðila til að semja við. Verkalýðsfélög hér á landi eru hins vegar kominn með þann óeðlilega rétt að fái þau ekki það sem þau vilja geta þau stöðvað atvinnustarfsemi og lagt fyrirtæki og heilu atvinnugreinarnar í rúst. Það þótti td. alveg fyrir neðan allar hellur að Icelandair ætlaði að snúa sér að öðrum samningsaðila þegar ljóst var að flugfreyjur/flugþjónar ætluðu sér í þessu skjóli að þröngva viðsemjanda sínum til kjarasamnings sem innihélt réttindi langt umfram það sem samkeppnisaðilar hans eru bundnir af. 

Lög sett á verkfall flugvirkja

Lífeyrissjóðakerfið ónýtt.

Það er eins gott að leggja lífeyrissjóðakerfið niður í heild sinni, amk. fyrir hinn almenna launamann. Lífeyrissjóðurinn átti að vera viðbótarráðstöfunarfé eftirlaunaþega til viðbótar ellilífeyri frá TR sem eru réttindi sem ávinnast með þáttöku í samfélaginu á vinnumarkaðsaldri. Til að öðlast þau réttindi greiðir fólk skatta hér. Nú eru vitringarnir á Alþingi búnir að eyðileggja þetta kerfi þannig að það eina sem greiðendur í lífeyrissjóði hafa upp úr krafsinu er tekjuskattsþynging upp á 15,5%. Leggja ætti lífeyrissjóðina niður og greiðslur úr ellilífeyri frá TR ættu svo að vera ein og sama X upphæð á mánuði án tillits til þess hvað viðkomandi starfaði á vinnumarkaðsaldri. Vilji einhverjir leggja eitthvað aukreitis til hliðar til að búa í haginn til efri áranna er það svo hans einkamál og kemur bara engum öðrum við.

Það er samt hætt viða að prinsessan á bauninni á Austurvellinum hafi lítinn áhuga á þess háttar breytingum.  

Mál Gráa hersins tekið fyrir