Þeir sem minna mega sín ?

Það sjá það allir sem augu hafa í hausnum að fjöldi fólks hefur svindlað sér inn á bætur hjá samlöndum sínum þrátt fyrir að vera ekki raunverulega í slæmri stöðu nema helst fyrir eigin leti. Þetta fólk er ástæðan því að ekki er hægt að gera meira fyrir þá sem í alvöru þurfa á hjálp að halda. Um leið og á að taka á svindlinu ráðast hins vegar þau samtök sem síst skyldi gegn því þar sem þau hafa valið að verja ekki bara þá sem stuðninginn þurfa raunverulega heldur líka svindlarana sem laumast hafa með í bátana. Björgunarnetin eru nefnilega meira og minna full af svindlurum og þá er bara ekki pláss fyrir hina sem í raun þurfa björgun. Farrýmin hans Tomma eru dæmigerð fyrir það hvernig á að afvegaleiða umræðuna. Ef björgunarbáturinn hans Tomma er viðeigandi viðmið þarf þá ekki líka að velja í hann þar sem við vitum að ekki er pláss fyrir alla ? Eigum við ekki frekar að líkja þessu við verksmiðjuskip ? Væri þá sanngjarnt að fullsterkir, hálfdrættingar og amlóðar væru allir upp á jafnan hlut ? Langstærstur hluti þeirra sem er á örorkubótum getur unnið einhverja vinnu þó margir þeirra geti ekki gengið í hvaða störf sem er. Hér er fjöldi fólks líka sem hangir inni á atvinnuleysisbótum þó því bjóðist vinna. Hér þarf að byrja á að grisja svindlarana frá og þá er hægt að hjálpa þeim mun meira sem ekki geta bjargað sér sjálfir.

Sveik loforð við Ingu í jómfrúarræðunni

Þar sem krúnan gengur í erfðir.

Lengi vel kvæntust menn ekki út fyrir landamerkin í þessum afkima. Þó það hafi breyst þá virðist krúnan samt erfast ennþá þarna. Þó flestir sæki vinnu til annarra sveitarfélaga þá telja margir þarna að alheimurinn endi á landamerkjum við Reykjavík. Sjórinn sér svo um að marka rest. En eru sveitarfélögin ekki bara að vasast í verkefnum sem þeim kemur í raun ekkert við ? Og þá þarf alltaf að hækka álögur.

Hækkaði útsvar í óþökk félaga sinna

Milli húsa ?

Ég nota mín ökutæki líka bara til að komast milli húsa. Það er sennilega bara aðeins lengra milli húsanna sem ég fer á milli. Ég bý ekki við þann munað að þurfa bara að aka göturnar þrjár til að komast milli staða, Ervarlagötu, Varvarlagötu og Séstvarlagötu.

Ekki þarf að skoða ökutæki í eyjum

Jobbið á Svörtuloftum......

.....getur nú tæplega verið merkilegt. Óendanlegur tími til ritstarfa meðfram. Þeir eru fáir í einkageiranum sem reka sín fyrirtæki sem hafa tíma í svona. Ætli Hrungeir sé bara ,,hálfsdagskerling,, (eða karl) á Svörtuloftum ?

Fyrirlestri frestað í skugga ásakana um ritstuld

Til hvers ?

Hr. Knoll og Hr. Tott sem ráku saman járnabindingafyrirtæki voru fyrr á árinu dæmdir til greiðslu 70 milljón króna sektar hvor fyrir að stela undan tugum milljóna. Séu sektir ekki greiddar eiga þeir að sitja í fangelsi í 12 mánuði hvor. Nú er ljóst að sektirnar greiða þeir ekki og ekki er heldur pláss fyrir þá bak við rimlana þannig að refsingin þynnist út í ekki neitt. Það er alveg ljóst að svona glæpir borga sig. En til hvers er verið að halda úti þessu rándýra Héraðssaksóknaraembætti og auka svo á kostnað skattgreiðenda með að bögla svona málum gegnum dómstólana ? Það má öllum ljóst vera að þessi glæpalýður mun ekki sitja mínútu af sér í fangelsi. Það er ekki pláss fyrir þá í fangelsunum þar sem ofbeldismenn fá forgang að vistarverunum þar.

Ákært fyrir peningaþvætti og bókhaldssvik

Hvers vegna....?

.... eiga þeir sem hafa þegið bólusetningu og þar með bestu mögulegu varnir sem í boði eru að búa við takmarkanir til að verja þverhausana og samsæriskenningasmiðina fyrir alvarlegum veikindum ? Það virðist nokkuð ljóst að þeir sem bólusettir eru veikjast almennt mun minna en hinir sem óbólusettir eru. Jafnframt virðist ljóst að óbólusettir eru líklegri til að þurfa sjúkrahúsvist ef þeir veikjast en hinir. Þá virðist það liggja fyrir að bólusettir jafnt sem óbólusettir geta smitað. Nú fylkjast þverhausarnir fram og tala um mismunun sem lýsir kannski hugarheimi þessa fólks en frelsi þess er mun ofar í huga þess en þeirra sem líða þurfa fyrir þverhausahátt hinna óbólusettu. Það mega allir stjórna ökutækjum, skipum og flugvélum en aðeins að uppfylltum ákveðnum skilyrðum. Ekki er það talið mismunun að banna próflausum einstaklingi að aka bifreið. Á mörgum vinnustöðum er hjálmaskylda og það er ekki álitin mismunun að neita hjálmlausum um aðgang. Auðvitað er ekkert bannað að vera þrjóskur og þver eða vitlaus en það er hæpið að takmarka frelsi annarra ef einhverjir kjósa að halda í þessa kosti sem þeir telja. Ég er ekki sérfræðingur í smitsjúkdómum en ég er frekar glöggur að sjá þverhausahátt fólks. Ég er reyndar bölvaður þverhaus sjálfur en ekki nægilega þver og þrjóskur til að hafna bestu mögulegu vörnum gegn því að veikjast af alvarlegum sjúkdómum.

Taka þurfi umræðu um mismunandi takmarkanir

Ofurlaunaþjónarnir.

Þjónar almennings hafa það mun betra en húsbændurnir sem þeim ber að þjóna. Húsbændur þessara þjóna eru nefnilega almenningur í þessu sambandi. Hér þarf að rusla hressilega út og hreinsa til. Laun í ríkisrekstri eru algjörlega út í hött í samanburði við almenna markaðinn. Almennt séð ber þjónninn talsvert minna úr býtum en húsbóndinn.

Nálgast milljón á mánuði