Skófar á rassgatið.

Svona fólki á ekki gefa kost á að segja upp. Það á að reka það og skilja eftir skófar á afturendanum á því. Og það á að birta því ákæru persónulega. En æðstráðandi eru bara ekkert skárri sjálfir og eru því miður af sama sauðahúsi. Líkur sækir líkan heim.

Birna segir upp störfum og Jón Guðni tekur við

Glæpakvendi stígur til hliðar.

Glæpir borga sig á Íslandi, um það þarf ekki að efast. Stjórnendur fjármálafyrirtækja njóta sérstakrar friðhelgi almennt vegna lögbrota. Væntanlega verður henni umbunað fyrir brotin með feitum starfslokasamningi í stað þess að gera hana persónulega ábyrga. Fyrirtæki brjóta ekki lög, það eru stjórnendur þeirra. Líkt er komið með þessu hyski og þeim sem dæmdir eru fyrir undanskot skatta og peningaþvætti, þeir halda ránsfengnum, borga sektirnar ekki og sitja aldrei af sér dómana. Sérkennilegt er að af glæpakvendinu í þessu tilviki tekur við einn af æðstu stjórnendum bankans sem er nú tæplega blásaklaus.

Yfirgefur bankann „með miklum trega“

Hvaða lærdóm ?

Jú, fjárglæframennirnir draga þann lærdóm að það hefur engar afleiðingar fyrir þá, þennan útvalda hóp að brjóta lög. Fjárglæfrastarfsemi er eina atvinnugreinin sem býr við lögvarið samráð og lögbrot. Bankarnir eru bakkaðir upp af stjórnvöldum enda eru þeir sem véla í sauðahúsinu við Austurvöll hluti af spillingunni og þá breytir engu hver flokkurinn er.

Birna Einarsdóttir: Við drögum lærdóm af þessu

Blindu kettlingarnir.

Í tíð Lúðvíks Jósepssonar AllaBalla gerðist sá atburður er hann var að smala atkvæðum að hann kom á bæ nokkurn þar sem honum var boðið að snæða með heimilisfólkinu. Stráksnáði á heimilinu var stoltur af kettlingunum sínum sem komu í heiminn þann sama morgun og spurði hann Lúlla hvort hann langaði ekki til að sjá nýju kommúnistana sína. Lúlli leit yfir hópinn og leist vel á. Hálfum mánuði seinna var Lúlli á ferð á sömu slóðum og ákvað að líta við á bænum þar sem hann hafði fengið svo höfðinglegar móttökur. Hitti hann þá á strákguttann og spurði hann hvernig kommúnistarnir hans hefðu það. Og ekki stóð á svari hjá stráksa: Þeir eru ekki lengur kommúnistar, þeir eru búnir að fá sjónina...... X Það er alveg raunhæft að velta fyrir sér hvort skárra sé nú fyrir almúgamanninn eins og mig að við stjórn séu spillt hægri öflin sem skara eld að sinni köku og henda einhverju smáræði í okkur aumingjana EÐA vinstri öflin sem misnota vald sitt óhóflega til eiginhagsmuna og sniðganga almúgann algjörlega. Verst er að handónýtur Sjálfstæðisflokkurinn og Framsóknarflokkurinn eru orðnir svo langt til vinstri og jafnframt skíhræddir við kommadruslurnar að þeir andmæla ekki svona gerræði eins og hér er um að ræða. Forystumenn beggja flokkanna eru eins og hræddir hérar sem hlaupa í felur. Þeir sem fá að komast upp með svona yfirgang halda áfram þar til þeir eru stöðvaðir. Þessi kommadís á ekki langt að sækja hin Stalínsku gen en við skulum aldrei gleyma því að faðir hennar heitinn náði glæsilegri niðurstöðu í umboði villta vinstrisins að eigin sögn í samningum eftir efnahagshrunið sem fól í sér framsal á sjálfstæði þjóðarinnar. Þá höfðum við sem betur fer forseta sem kom í veg fyrir að skandallinn fengi framgöngu.

„Þruma úr heiðskíru lofti“