EKKERT er ókeypis.

Þetta snýst hins vegar um að láta einhverja aðra borga. Þjóðleikhússtjóri fékk mér vitanlega ekki mjög kommúnískt uppeldi og velti ég því fyrir mér hvar á lífsleiðinni hann snérist til slíkra skoðana.

Vilja að hraðprófin verði ókeypis

Milljónadressin hafa talað.

Það þarf mörg milljónadress til að lagfæra það augljósa. Hringlandagangurinn er ótrúlegur. Gríðarleg lækkun vaxta varð til þess að margir fóru af stað og skuldsettu sig upp í rjáfur í húsnæðiskaupum mtt. ráðstöfunargetu til húsnæðiskostnaðar sem þrýst hefur húsnæðisverði upp undanfarið. Hækkun vaxta veldur svo því að þeir sem spenntu bogann til hins ítrasta meðan vextir voru lágir lenda í vandræðum í vaxtahækkunum. Sparifjáreigendur sem fjármagna partýið líða fyrir lága vexti þar sem þeir halda langt því frá í við verðbólguna. Til að auka notarlegheit sparifjáreigenda fá þeir hins vegar að njóta þess heiðurs að greiða fjármagnstekjuskatt af innistæðurýrnun sinni. Lítils virði er nú innihald þess sem pakkað er í þessi milljónadress á Svörtuloftum.

Beint: Stýrivaxtahækkunin kynnt

Við hungurmörk.

Auðvitað á þetta fólk fullan rétt á að rústa því sem eftir er af ferðaþjónustunni. Þetta fólk er jú alveg við hungurmörk og ekki nema sjálfsagt að það hafi rétt til að neyða vinnuveitenda sinn til að greiða sér mannsæmandi laun. Ekki er nú menntunin svo sem upp á marga fiska hjá þessu liði sem margir vilja fala sig bak við til réttlætingar á ofurlaunum. En svo er bara hægt að útvista þessari starfsemi til Austantjalda sem sætta sig við mun minna, það þarf enginn að sitja yfir skjánum hér.

Meðaltekjur 1,7 milljónir

Sóttdreifingaryfirvöld og Leifsstöð.

Besti staður til að ná í afleggjara af þessari eftirsóttu veiru sem og öllum öðrum pestum er í komusal Leifsstöðvar. Þarna er fólki hrúgað saman eins og síld í tunnu, skipað að þétta raðirnar, sniðganga fjarlægðamörk og slefa á öxlina á næsta manni. Í sýnatökurýminu ulla svo allir hver upp í annan til að geirnegla að menn smitist ef veiran er á staðnum á annað borð. Ef menn ná sér ekki í smit í komusal Leifsstöðvar er býsna hæpið að ná sér í veiruna nokkurs staðar annars staðar. Kom frá Svíþjóð á sunnudaginn og lenti í þessum fíflagangi í Leifsstöð. Allt er þetta í boði íslenskra sóttdreifingaryfirvalda. Þessum gamanleik verður að linna þar sem þetta er lítið gaman fyrir þá sem taka nauðbeygðir þátt í leikritinu ef þeir ætla að koma sér til Íslands á annað borð. Ég er amk. hættur í leikritinu en legg til að söttdreifingaryfirvöld fari í annars konar sýnatöku en þeim sem ferðast eru skikkaðir til að gera. 

Nýlega smitaðir þurfa ekki að sýna neikvætt próf

Í vinnslu.

Það er margt í vinnslu hjá kommunum, mest af því er í sjálfsvinnslu.

Lengi í vinnslu að heimila sjálfspróf

Heimta og krefjast.

Væri ekki tilbreyting fyrir þetta lið að sýna þakklæti fyrir að fá að vera hér ? Nei nú er þess krafist að Afganska þjóðin fái að undanskildum talibönum samtals 30 milljónir manna að hreiðra um sig á Vesturlöndum. NEI TAKK ! Kannski Samspillingar og Villta Galna liðið vilji bjóða þessu liða að búa heima hjá sér. Það þerf ekki að koma Afgönum heiman frá sér, það þarf að útrýma talíbönum og láta þetta fólk svo í friði. Íslendingar fá ekki að koma heim til sín frá útlöndum nema með alls kyns vottorð og pappírssnepla en miðaldafólk frá öðrum menningarheimum virðast mega vaða hér út og inn á skítugum skónum. Er ekki allt í lagi ?

Vilja sömu meðferð og innfæddir Íslendingar fengju

Gamlingjar, öryrkjar, letingjar og öreigar.

Flokkurinn sá svarar ekki tölvupóstum þegar hann er spurður um stefnumálin sem virðast einskorðast við að útdeila peningum til þeirra sem ekki geta eða vilja leggja neitt á sig til að klæða sig og fæða. Lítill fróðleikur er á vefsíðu flokksins um fjármögnun þó stiklað sé á stóru. Ekkert er upplýst um hvort flokkurinn ætlar að leggjast á árarnar með öðrum að hrúga hingað inn talíbönum, austantjöldum og álíka huggulegheitum til að hrella okkur sem viljum lifa í sátt með kristnum gildum. Ekkert um vinnumarkaðsmál, ekkert um hvort flokkurinn vill ganga til liðs við Samspillingu og Villta Galna varðandi eignaupptöku. Og útlönd virðast bara ekki vera til hjá flokknum. En þessi flokkur er án efa vænlegasti kosturinn fyrir gamlingja, öryrkja, letingja og öreiga þó þeir rekist ekki endilega vel saman í hópi innbyrðis. Ég er að nálgast þann fyrstnefnda og svo er skrokkurinn farinn að láta á sjá. Ég er líka að verða latur með endemum svo það alveg spurning hvort maður leggi ekki sitt að mörkum við að undirbúa jarðveginn. Skítt með hvernig þetta verður fjármagnað, það kemur í hlut annarra.

Flokkur fólksins kynnir oddvitana

Að lifa með veirunni.

Nú er ljóst að faraldurinn verður ekki kveðinn í kútinn alveg á næstunni amk. en er farinn að líkjast inflúensu eða kvefi. Af fréttum að dæma verða þeir sem bólusettir eru almennt ekki alvarlega veikir, finna aðeins fyrir vægum einkennum eða jafnvel engum. Einhverjir hljóta þó að veikjast alvarlega eins og gerist með alla kvilla. Þverhausarnir sem kjósa að láta ekki bólusetja sig eiga hins vegar á hættu að veikjast alvarlega og lenda á gjörgæslu í öndunarvél og kveðja þetta jarlíf jafnvel að fullu, sem við gerum reyndar öll að endingu. Það lifir víst enginn lífið af. Er ekki orðið tímabært að læra að lifa með þessari veiru, viðhalda persónubundnum sóttvörnum, þ.e. almennt gott hreinlæti og sprittun, innvortis sem útvortis til framtíðar ? Hætta forræðishyggjunni og láta fólk bera sjálft ábyrgð á sínu hreinlæti og sóttvörnum ? Þeir sem þverskallast við að láta bólusetja sig verða þá að njóta þeirra sjálfsögðu réttinda að veikjast alvarlega eða jafnvel drepast í prinsippi sínu. Kannski ekki sanngjarnt að samborgararnir sem hafa látið bólusetja sig og leggja þannig sitt af mörkum í baráttunni eigi að greiða fyrir umönnun þeirra sem þjást af slíkri þrjósku að hún dragi þetta fólk jafnvel til dauða. En það er ekki amaleg grafskrift ,,þrjóskaðist til bana,, og andlátstilkynningin gæti þá verið td. ,,andaðist á þverplankanum,, . Kannski viðeigandi að viðkomandi fái svo legplanka þvert á leiði sitt frekar en legstein.

Von á nýjum reglum um sóttkví

Stendur fyrir.........

Altjóns Skæruliðasamtök Íslands. Betra væri að aflýsa samtökunum bara í heild sinni.

Þing ASÍ frestast aftur

Betur ef það hefði gengið eftir.

En þá hefði sennilega einhver annar með álíka kommúníska tilburði hreiðrað um sig í staðinn.

Svandís ætlaði aldrei í stjórnmál