Á ný ???

Endemis bull er þetta. Þó félagið beri sama nafn og hin gjaldþrota svikamylla þá er þetta bara allt annað félag. Sá Jón sem var skírður Jón í síðustu viku er ekki sá sami og var skírður Jón í fyrra. Sumir kætast en skauta alveg fram hjá því að tæpar 14.000 ISK vantaði upp á hvern seldan miða frá upphafi til að fá mætti upp í lýstar kröfur þrotabúsins. Væntanlega hafa þeir greindustu sleppt því að lýsa kröfum þar fyrir utan þar sem fyrirsjánlegt var að ekki næðist einu sinni að greiða forgangskröfur að fullu. Guði sé lof að Ballerínan verður ekki með þetta á íslenskum flugrekstrarleyfum. Nú er bara að sjá hvort henni takist að draga Isavia jafn langt á asnaeyrunum og Skúli komst upp með. Isavia hefur jú lýst því yfir að þeir muni fara alveg eins að aftur þótt þeir hafi gert langt upp fyrir bak með fyrirgreiðslu til WOW Skúla á sinum tíma. En eitthvað er óljóst hvað hún heitir Ballerínan, hún veit það kannski ekki sjálf ?

WOW í loftið á ný í október

Enn með lýsislampana.

Íslendingar væru enn með lýsislampa ef stefna núverandi umhverfisráðherra hefði verið frá því við fengum fullveldi. Þá væru engar raftækjaverslanir heldur á Íslandi og þvottalaugarnar í Laugardalnum væru enn í fullri notkun. Þetta er hreint og klárt ofstæki í umhverfismálum þar sem ekki má nýta auðlindirnar til eins eða neins. Samt vill það fólk sem aðhyllist þessa stefnu njóta allra þeirra gæða sem rafmagn býður upp á og keyra þar að auka um á rafmagnsbílum. Frægt var þegar Björk og félagar hennar héldu tónleika gegn virkjanaframkvæmdum en þau reyndu þó ekki að fela 63A rafmagnskapalinn sem lá upp á sviðið til að knýja græjurnar þeirra. Tvískinnungur þessa fólks er óendanlegur.

Þingmaður hótar stjórnarslitum