Engin furða.

Það er engin furða að yfirvöld vilji ekki hleypa skemmdum mat inni í landið. Þetta tíðkaðist í þátíð þegar viðunandi matvælageymslur voru ekki í boði en eftir að kælitæki urðu almenn þá þurfum við ekki lengur að láta okkur hafa skemmdan mat til að draga fram lífið. Það eru þó alltaf einhverjir sem halda að það séu merki um stórborgarahátt að þykjast þykja þetta gott. En það er þó eins og með skötuna að hægt er að reiða sig á að þeim sem þykist hún góð ljúga öllu öðru líka. Það er hægt að fá mjög góðan mat á Kanarí, óskemmdan og mikið af honum. Þar sem ég var í sveit sem pjakkur hjá kotbændum fyrir tæpri hálfri öld á bæ sem var úr alfaraleið, síðasti bærinn í þeim dal var yfir veglausa heiði að fara. Þar var hvorki heitt vatn né rafmagn og upphitun með mó og kolum og þarna kynntist ég þessari svokölluðu geymsluaðferð sem ég gef nú lítið fyrir. Þegar rolla drapst á bænum var mikil veisla í nokkra daga þar sem boðið var upp á ferskt sjálfdautt rollukjöt. Þegar ein kvígan drafst svo hljóp aftur á snærið. En þegar gamla konan kvaddi þennan heim þótti mér tímabært að flýja.......

Þorrablótið á Kanarí í uppnámi

Ákvæðisvirði lögeyris, lög nr. 92/2019 og 22/1968.

Íslensk króna er lögeyrir landsins. Þetta er einfaldlega í 17. gr. laga nr 92/2019 um lögeyri landsins: "Seðlar og mynt sem Seðlabankinn gefur út skulu vera lögeyrir með fullu ákvæðisvirði". Onnur eldri lög nr. 22/1968 um sama málefni eru enn í gildi en í 3.gr. segir: "Peningaseðlar þeir sem Seðlabanki Íslands lætur gera og gefur út, og peningar þeir sem hann lætur slá og gefur út skulu vera lögeyrir í allar greiðslur hér á landi með fullu ákvæðisvirði". Skýrara getur það nú tæplega verið en umræddir hundraðkrónupeningar eru enn í umferð og hafa ekki verið innkallaðir. Hins vegar virðast yfirvöld ávallt vera fyrst til að vanvirða lögin. Lögreglan hefði því frekar átt að sækja Seðlabankastjóra og setja hann í varðhald frekar en að abbast upp á einstakling sem var að reyna að fá lögeyri landsins skipt. Seðlabankinn sér um að grisja úr illa farna mynt og seðla og á að sjá um að farga því með tryggilegum hætti. Ég man eftir því fyrir um tveimur áratugum þegar faðir minn var aðalendurskoðandi í Seðlabankanum þá var tryggilega gengið frá því með þeim hætti að amk. þrír starfsmenn bankans fylgdu hinum úr sér gengnu peningum eftir að bræðslu/brennsluofnunum þar sem þeir gátu vitnað um að þeir voru eyðilagðir þar. Faðir minn var í áraraðir í þeim hópi sem hafði þetta með höndum. Það þótti mikið fyrir þessu haft en fleiri aðilar voru í kringum þessar eyðingar sem stóðu vörð um að góssið færi á þann stað sem gjörningurinn var framkvæmdur og svo voru hafðir verðir til að tryggja að umræddir þrír starfsmenn væru lokaðir inni allt þar til gjörningurinn var yfirstaðinn og að lokum var framkvæmd leit svo ekki væri nú hægt að stinga neinu undan. Ef yfirmenn bankans telja sig of fína til að sinna sambærilegum skyldum sínum við förgun þá geta þeir ekki skellt skuldinni á handhafa slíkra peninga hafi þeir ekkert í höndunum am að sá hinn sami hafi óhreint mjöl í pokahorninu. En stjórnendur á þessum bæ í dag virðast ekki telja sér skylt að skila neinni raunverulegri vinnu heldur eru þeir til sýnis á tyllidögum þar sem þeir láta eftiráspeki sína í ljós. Þá má nefna að Air Iceland Connect neitar að taka við lögeyri landsins og fær að komast upp með það, yfirvöld gera ekkert til að uppræta lögbrotin enda stunda þau sjálf greinilega. Icelandair neitar að taka við reiðufé um borð í vélum sínum þrátt fyrir að vélarnar séu skráðar hér á landi og heyri því undir íslenska lögsögu. Menn geta ekki bara gert það sem finnst þægilegt ef það gengur gegn lögum.

Fær ekki að skipta mynt fyrir 1,6 milljónir