Söfnunarreikning og áfallahjálp.

Verður ekki að opna söfnunarreikning handa henni og veita henni áfallahjálp ?

Birna lækkar í launum milli ára

Sömu laun fyrir sömu vinnu.

Frasinn var áður: "Sömu laun fyrir sömu vinnu" og var þetta helst til stuðnings konum á vinnumarkaði. Nú er annað uppi á teningnum en það er: "Metum menntun til launa" sem er alveg fráleitt. þAð er algj0rlega ljóst að fjöldinn allur af sprenglærðu fólki með sverar gráður  hefur ekki lánast að nýta sér menntun sína til gagns og sumir nánast ósjálfbjarga. Auðvitað á fólk að njóta þeirrar verðmætasköpunar sem það skilur eftir án tillits til þess hvernig það öðlaðist hæfileikann til þess. Háskólamenntaðir gera oft býsna lítið úr Skóla lífsins sem er án efa erfiðasti skólinn sem hægt er að fara gegnum og þar er engin miskunn. Kannski eru þeir hinir ófaglærðu sem sinna þessum st0rfum svo betur gefnir að þeir þurfa ekki gráðuna til að standa jafnfætis hinum faglærðu. Þeir sinna amk. sömu störfum.

Vill leiðrétta „fráleita“ framsetningu

Hjálp við að loka.

Það er auðvitað mjög mikilvægt að stéttarfélögin taki slag núna og hjálpi þannig til við að loka sjoppunni.

„Gæti komið fljótlega til átaka“

Gaflaragleði.

Nú geta Gaflarar væntanlega glaðst. Í íbúakosningu fyrir um áratug var tillaga um stækkun álversins felld. Þá heyrðust raddir um að álverið væri komið fullnálægt byggðinni þó álverið hefði aldrei fært sig hætishót, það hefur frá upphafi verið á sínum stað. Íbúðabyggðin var kannski sett fulnálægt álverinu en tæplega var við álverið að sakast. Einnig báru sumir fyrir sig mengun frá álverinu þó hún hafi augljóslega verið mun meiri frá starfsemi hinu megin Reykjanesbrautarinnar. En nú eru líkur á að draumar meirihluta þeirra sem tóku þátt í atkvæðagreiðslunni um árið rætist og við það þurfa 500 starfsmenn versins að leita sér að öðru að gera. En ekki má gleyma því að fjöldi fyrirtækja í Hafnarfirði byggir rekstur sinn að stórum hluta á þjónustu við álverið og munu þau því þurfa að draga verulega úr starfsemi eða leggja upp laupana. Eftir lokun álversins má því búast við að ástandið þar verði ekki ólíkt því sem var um tíma í Reykjanesbæ og jafnvel enn verra. Gott eldgos á Reykjanesi eins og jarðfræðingar hafa talað um undanfarið gæti þó lagað hlutfallslegar atvinnutölur mikið þar sem fjöldi íbúa gæti þurft að flytjast brott, en þeir þurfa þá í staðinn að fá eitthvað að gera þar sem þeir setjast að.

Grafalvarlegt mál