Krabbamein samfélagsins.

Það er auðvitað ákvörðun stéttarfélagsins hve mikið þeir greiða félagsmönnum sínum úr verkfallssjóði. Hins vegar eru lægstu laun svo skammarlega lág í samanburði við hinar ýmsu bætur sem greiddar eru út að út frá því sjónarmiði er hrein og klár heimska að vinna á þessum töxtum. Rétt er að hafa það hugfast að því fylgir ýmis kostnaður að vera í vinnu, kostnaður sem þeir sem þiggja bætur komast auðveldlega hjá. Það er mjög auðvelt að laga launastrúktúrinn hjá ríki og sveitarfélögum með því að hreinsa út þann gríðarlega fjölda þar í efri lögum sem er í atvinnubótavinnu og lækka hressilega greiðslur til þeirra sem þar verða eftir. Þá verður nóg eftir til skiptanna sem dreifa má á lægst launaða hópinn. Þar að auki verður talsvert eftir til að lækka álögur sem er hin raunverulega meinsemd í okkar samfélagi. Skattar í öllum sínum birtingamyndum eru orðnir svo háir að þeir eru að sliga þá sem eru að böglast við að hafa í sig og á. Það þarf að skera krabbameinsæxlin sem þrífast í góðu yfirlæti á toppnum burt.

Fær meira í verkfalli en fyrir vinnuna