Treysta á að komast á jötuna.

Flugfreyjur virðast trúa því staðfastlega að ríkið komi hlaupandi með peninga til að halda félaginu áfram á lífí í spennitreyju stéttarfélaganna. Jafnvel þó rekstrarmódilið eigi sér enga framtíð og sé ávísun á áframhaldandi taprekstur vegna niðurnjörfaðra ákvæða í kjarasamningum. Ríkið má ekki undir nokkrum kringumstæðum koma til bjargar félaginu fyrr en flugstéttirnar hafa gefið eftir óraunhæfa skilmála. Ef ríkið mun koma inn í reksturinn án breytinga er það aðeins sóun á almannafé. Sennilega verður félagið að fara í þrot svo flugstéttirnar vakni til raunveruleikans. Þá má reisa annað úr rústunum með öðrum kjarasamningum og gæta verður þess að inn í þeim verði ekki sett forgansréttarákvæði ákveðinna stéttarfélaga.

Bréf frá Boga: „Tími okkar er að renna frá okkur“

Innlánsvextirnir lækkuðu hratt.

Bankarnir voru fljótir til að lækka innlánsvextina þó lítil hreyfing hafi orðið á útlánsvöxtunum. Á sama tíma og innlánsvextir eru 0,5% eru útlánsvextir á sama reikning 9,5%. Það er nítjánföld álagning eða 1900% á peninga sem bankinn höndlar með í umboði sparifjáreigenda. Var einhver að tala um að 100% álagning væri okur ?

Bankarnir fylgja ekki leiðsögn

Stefna að því að setja félagið á hausinn.

Flugmennirnir virðast hafa verið með það á prjónunum um nokkurt skeið að setja vinnuveitanda sinn á hausinn. Vitandi vits hvað framferði þeirra myndi leiða af sér hafa þeir minnkað hlut sinn í félaginu. Fróðlegt væri að vita hvort þeir hafi nokkuð verið að kaupa hluti í Rayanair og sjái það flugfélag í hyllingum sem framtíðarvinnustað. Þeim á væntanlega eftir að bregða í brún við kjörin sem bjóðast þar.

Flugmenn minnkað hlut sinn í Icelandair