Réttnefni.

Ekki ólíkt Mugabe í Zimbawbe. Hatur út í þá sem skapa verðmætin er svo mikið að þeim ber að útrýma jafnvel þó það verði til þess að vesalingarnir sem allt eiga undir þeim muni þjást meir en nokkru sinni. Nú skal ráðast með offorsi á þá sem skila sköttum með enn meiri skattahækkunum og helst hirða allt af þeim í einu lagi. Mugabe rústaði traktórunum án þess að huga að því með hverju hann ætlaði að slá á morgun og því fór sem fór. Valkyrjunum er efst í huga að betra sé að allir hafi það skítt frekar en að sumir hafi það skítt og einhverjir minna skítt en aðrir. Ekki líst mér á litlu fallegu valkyrjuna sem er að fæðast í heiminn þrígetin og vísað var til í frétt fyrr í dag.

„Þær kjósa feigð á menn og ráða sigri“

Falleg þrígetin valkyrja ?

Það þótti tíðindum sæta þegar eingetningar komu í heiminn en langt er síðan það varð fyrst og vissulega hefur tækninni fleygt fram síðan. Þó sjá megi sakleysið uppmálað í nýfæddum börnum er það að lokum innrætið sem skiptir máli. Mun litla fallega valkyrjan fæðast með innræti þeirra sem hér standa að sköpun hennar eða mun taka við mikil togstreyta milli skapara hennar um hvernig innrétta skal hvítvoðunginn ? Blöndun milli tegunda tekst ekki alltaf vel og úr geta orðið hin mestu skrímsli.

Fundur fljótlega: „Það er að fæðast fallegt barn“