Pissað í skóinn.

Steingrími finnst betra að pissa í skóinn en að deyja úr þorsta. Ég, eins og svo margir aðrir er honum ekki sammála. Þegar hlandið kólnar og frýs í skónum er hlýjan horfin og gott betur. Ég held að betra sé að deyja strax en að lifa ömurlegu lífi með litlum lífsgæðum um alla framtíð. Hins vegar munum við hafa það býsna gott ef þessum ömurlegu stjórnvöldum lánast að skynja að rétt sé að hafna þessum kröfum alfarið. Útflutningur okkar er talsvert meiri en innflutningur. Við munum hafa það gott í framtíðinni að því gefnu að við látum ekki kúga okkur eins og Jógrímur og Steinhanna leggja mikla áherslu á. Ísland er ríkt af auðlindum og er öfundsvert öðrum löndum í kringum okkur.  Þeir sem lúffa fyrir ósanngirni og yfirgangi njóta engrar virðingar. Það er ljóst að við munum ganga í gegn um mikla erfiðleika á næstu tveimur til þremur árum ef við göngum ekki að afarkostum Breta og Hollendinga en eftir það mun fara að birta til. Ef við göngum að afarkostunum mun ástandið verða minna vont næstu tvö til þrjú árin en síðan blasir við algjört hrun. Skoðið útreikninga Jóns Daníelssonar!

Betra en að deyja úr þorsta

Athugasemdir

[Ursus, 15.1.2010 kl. 22:10]

Hvað gerðist merkilegt 15. janúar 1963?

[Sigurður Haraldsson, 16.1.2010 kl. 09:14]

Rétt Örn þetta er málið við getum aldrei samþykkt svona yfir okkur vandamálið er stórt ef við fáum betri samninga eða borgum ekkert þá koma margar þjóðir á eftir sem fóru ylla út úr kreppunni og gera slíkt hið sama það þíðir annað hrun fjármála í heiminum, sem í sjálfum sér er ekki slæmt vegna þess að þeir sem áttu stórarn þátt í því að hrunið varð lærðu ekkert og allt er við sama heygarðshornið varðandi ofurbónusa bankamanna spillingu stjórnkerfa og græðgi fárra manna.