Gæsluvarðhald vegna rannsóknarhagsmuna

Eflaust hefur átt að beita sömu hugmyndafræði á Ragnhildi og notuð var á Þór í Sjóvá en árangurinn virðist hafa orðið annar. Það er alveg borðleggjandi að stjórnvöld ætla að leggja sig öll fram um að koma í veg fyrir að þrjótarnir sem stóðu fyrir hruninu verði hnepptir í varðhald. Þess vegna þarf almenningur að taka sig saman og koma höndum yfir þessa menn. Það þarf að sækja þá hvar sem til þeirra næst, loka þá inni í gluggalausu rými með blað og blýant og benda þeim á að banka þegar þeir eru tilbúnir. En þeir eru tilbúnir þegar þeir eru búnir að skrifa niður hvar þeir geyma það sem þeir stungu undan. Með þessu móti verður komið í veg fyrir að þeir geti endalaust fært fjármuni yfir á aðra reikninga og því gríðarlegir rannsóknarhagsmunir í húfi. Þeir sem vilja halda verndarhendi yfir þrjótunum vísa statt og stöðugt í að við búum í réttarríki og að menn séu saklausir uns sekt er sönnuð. Það réttarríki á ekki að vernda þrjótana. Nóg er komið fram sem sýnir fram á að þessir menn höguðu sér glæpsamlega í eigin þágu gegn hagsmunum almennings en kannski hengja menn sig fullmikið í orðalag laga. Nóg er komið fram um að ákveðnir þrjótar stálu öllu steini léttara og skildu þjóðfélagið eftir í rúst og búa nú í vellystingum fjarri rústunum. Almenningi er síðan ætlað að horfa fram hjá þessu og byggja upp eftir skúrkana. Og svo virðist vera sem hleypa eigi þessum lýð aftur að atvinnulífinu hér. Sækjum þetta hyski og þjörmum að því. Þær milljónir sem Ragnhildur fékk fyrir að þegja eða ekki þegja eru smámunir en henni ekki til sóma en kannski var erfitt fyrir fólk í hennar stöðu að beita sér gagnvart þessum "guðum" sem bakkaðir voru upp af æðstu mönnum í stjórnkerfinu. Hefði eitthvað verið hlustað á þetta fólk á þessum tíma? Þetta voru bara peð sem í raun voru ráðin sem strengjabrúður þrátt fyrir glæsileg starfsheiti. Gefum skúrkunum engin grið.

Staðfestir millifærslu frá FL