Vantar kjötið í fréttinni.

Nábítar, Böðlar & Illir andar ehf. í virðingaskyni við NBI hf. (Landsbankann).

Það vantar eiginlega púðrið í fréttina sem er að Lýsing hf. fékk Vörslusviptingar hf. til að vörslusvipta án dómsúrskurðar á fjórða í jólum 2009 umrædda vél en tóku þá ranga vél og komu þannig í veg fyrir að hægt væri að loka sölu á henni. Slíkur verknaður fellur undir gertæki samkvæmt almennum hegningarlögum og varðar sektum. Í framhaldinu kærði Lýsing hf. fyrirsvarsmann NBI ehf. til efnahagsbrotadeildar ríkislögreglustjóra og bar á hann rangar sakir og virðist vísa í að fyrirsvarsmaður hafi ekki bent glæpamönnunum á að þeir voru að hirða ranga vél. Þetta eru fyrstu krimmarnir sem vitað er til að hafi gert kröfu um að fórnarlömb þeirra beri leiðbeiningaskyldu gagnvart þeim í ránsferðum þeirra. Fyrirsvarsmaður var kallaður til skýrslutöku hjá lögreglunni í framhaldinu. Lýsing hf. neitar svo að bæta NBI ehf. það tjón sem það olli með því að halda hinni ranglega sviptu vél í vörslu sinni og koma þannig í veg fyrir að NBI ehf. gæti haft tekjur af henni eða selt hana. Fyrirsvarsmaður NBI ehf. kærði stjórnendur og starfsmenn Lýsingar hf. persónulega til efnahagsbrotadeldar ríkislögreglustjóra fyrir gertæki sem og skipulagða glæpastarfsemi en það eru stjórnendur og starfsmenn Lýsingar hf. sem eru hinir raunverulegir gerendur. Hefur einhver heyrt af sýknu leigumorðingja í skjóli þess að hann hafi unnið verkið gegn gjaldi fyrir einhvern annan? Þeirri kæru sýndi saksóknari efnahagsbrota þá virðingu að áframsenda hana til sérstaks saksóknara þar sem hún mun væntanlega daga uppi. Og ákæruvald þessa lands sefur djúpum Þyrnirósarsvefni. Nú eru liðnir rúmlega fimm mánuðir frá því Hæstiréttur staðfesti að stjórnendur og starfsmenn fjármálafyrirtækjanna brutu gegn ákvæðum laga númer 38/2001 í hartnær áratug. Þessu fólki hefur samt enn ekki verið birtar ákærur. Hvað tefur?

Nábítar, böðlar & illir andar halda járnabeygjuvélinni

Athugasemdir

[Þórdís Björk Sigurþórsdóttir, 15.11.2010 kl. 20:31]

Venjan er líka að linka á sjálfan dóminn.  Varstu búinn að finna hann?

[Sigurður Sigurðsson, 15.11.2010 kl. 21:56]

Hér er linkur á dóminn  http://domstolar.is/domaleit/nanar/?ID=A201000079&Domur=3&type=2&Serial=1&Words=

[Örn Gunnlaugsson, 15.11.2010 kl. 22:02]

Ég fékk hann bara í hendurnar við uppkvaðningu. Ég er frekar lélegur í tölvutækninni. Nú er næsta vers að draga krimmana sem stjórna og starfa hjá Lýsingu persónulega fyrir dóm og krefjast bóta. Þeir eru jú gerendurnir og þurfa að taka afleiðingum gjörða sinna. Ljóst er að ekki ætlar ákæruvaldið að vakna til lífsins og birta þessu hyski ákærur.

[Guðmundur Ásgeirsson, 15.11.2010 kl. 22:51]

Láta kné fylgja kviði! Þessar aumingjar eiga ekkert gott skilið.