Hefur lítið upp á sig.

Það hefur sennilega lítið upp á sig að reyna að ná fram réttlæti fyrir hinu svokallaða réttarkerfi á Íslandi. Það kerfi er handónýtt. Landsbankanum er stjórnað af glæpahyski og Hæstiréttur hefur staðfest það. Þónokkrir aðilar hafa lagt fram kæru á hendur aðilum af þessu sauðahúsi hjá efnahagsbrotadeild ríkislögreglustjóra en þær kærur eru bara ekki teknar alvarlega. Fyrrum forstjóri SP fjármögnunar sem stundaði ólöglega lánastarfsemi í áratug var nýverið munstraður forstöðumaður bankans yfir þeirri deild sem hefur með bílalán að gera. Sá sem þetta skrifar kærði fyrir meira en ári síðan forsvarsmenn Lýsingar hf. til efnahagsbrotadeildar ríkislögreglustjóra fyrir skipulagða glæpastarfsemi. Það hefur ekki verið litið á þessa kæru og verður örugglega ekki gert. Umræddir glæpamenn hafa hins vegar talsvert greiðari aðgang að efnahagsbrotadeildinni til að láta starfsmenn hennar sendast fyrir sig. En það er ágætt að einhverjir standi enn gegn þessu hyski, flestir eru búnir að gefast upp. Núverandi stjórnvöld sjá til þess að glæpamafían fer sínu fram.

Kærir Landsbanka fyrir þjófnað