Hver eru dulbúnu, skattsviknu launin?

Af ásetningi þegar minnst er á laun flugliða, hvort sem um er að ræða flugmenn eða flugþjóna er skautað framhjá þeirri staðreynd að auk hinna venjubundnu launa hafa þessir aðilar dulbúnar tekjur sem sviknar eru undan skatti með vitund yfirvalda. Um er að ræða dagpeninga sem í raun eru hugsaðir til að standa undir kostnaði launþega sem hann verður fyrir á ferðalögum á vegum vinnuveitanda sinna. Rétt væri að taka inn í umræðu um laun þessa fólks fyrir hvaða kostnaði þeir verða þegar þeir fara að morgni frá Íslandi, lenda erlendis og koma til baka aftur sama dag án þess að fara út úr flughöfn þeirri sem flogið er til. Þessar dulbúnu tekjur eru verulegur hluti launakjara þessa fólks og njóta þeir skattfrelsis af þessum tekjum umfram aðra. Sjómenn fá ekki sambærilegar greiðslur sviknar undan skatti.

Ég skora á formann Félags Íslenskra Atvinnumanna annars vegar og stjórnenda Icelandair hins vegar að upplýsa opinberlega hver heildarlaun þessara aðila eru sem falla undir skattskyldu og hinna dulbúnu launa sem tekin ere fram hjá greiðslu tekjuskatts annars vegar þegar ferð hefst að morgni í Keflavík og lýkur sama dag í Keflavík (Evrópuflugið) annars vegar og hins vegar þegar skipt er um áhöfn erlendis og hún dvelur yfir nótt þar (Ameríkuflugið). Þá þarf að fylgja með hvaða kostnað þessir aðilar bera raunverulega í ferðum sínum. Þurfa þeir sjálfir að greiða fyrir gistingu og eða fæði erlendis eða greiðir flugfélagið það? Sé svo hver er þá raunverulegur tilgangur dagpeninganna sem eru talsvert háar upphæðir? Eru þetta dulbúin skattsvikin laun eða endurspeglar þetta raunverulegan ferðakostnað sem þessir starfsmenn verða fyrir?

Leggið opinberlega fram þessar tölur og upplýsingar og þá getur hinn almenni borgari sem ekki nýtur skattfrelsis til jafns við þessa starfsmenn metið með hvorum aðilanum hann hefur meiri samúð.

Kvarta sáran yfir röskun á flugi