Dagpeningasóðar og punktaperrar.

Hvenær á svo að taka til rannsóknar framtöl þingmanna, starfsmanna Ríkisskattstjóra og Skattranssóknarstjóra sem og flugliða og annarra aðila sem eru á bólakafi í skattsvikum gegnum greiðslu dagpeninga og söfnunar flugpunkta? Skattyfirvöld beita sér ekkert í að uppræta þessi undanskot enda á kafi sjálf í spillingunni. Ég sakna þess að Bjarni skuli ekki svara opnu bréfi sem ég sendi honum nýlega þar sem ég bauð frítt fram starfskrafta mína í að rannsaka þessi mál. Hér er eftir fúlgum fjár að slægjast. Það eru felustaðir nær en bara í útlöndum.

Fauk í Bjarna á tröppunum

Athugasemdir

[Ásthildur Cesil Þórðardóttir, 6.3.2015 kl. 17:03]

Þetta er athyglivert Örn. 

[Skúli Víkingsson, 6.3.2015 kl. 17:09]

Hvað áttu við með dagpeningasvik? Opinberir starfsmenn fá dagpeninga á ferðum erlendis sem eiga að nægja fyrir gistingu og fæði. Þetta eru ekki tekjur. Kostnaðurinn getur hins vegar verið breytilegur og útkoman þess vegna misjöfn. Hef hins vegar grun um að þingmenn og ráðherrar fái bæði greidda dagpeninga og kostnaðinn við gistingu og fæði. Þá eru dagpeningarnir tekjuskattskyldir.

[Örn Gunnlaugsson, 6.3.2015 kl. 18:20]

Skúli, það sem ég á nákvæmlega við er að heimilt er að færa til frádráttar frá tekjuskattstofni þá upphæð sem viðkomandi verður fyrir vegna tilfallandi ferðar utan venjulegs vinnustaðar og um sé að ræða kostnað sem sannanlega hefur fallið til vegna umræddra ferða. Dagpeningar eru greiddir skv. skattmati ríkisskattstjóra og þrátt fyrir að ég hef ferðast víða um heiminn þá hefur mér aldrei tekist að ná upp í þann kostnað sem skilgreindur er þar svo ríflegir eru þessir dagpeningar, ég bý þó eingöngu á 4 og 5 stjörnu hótelum í mínum ferðum. Þá á viðkomandi eftir einhvern afgang af því sem hann fær greidda sem dagpeninga og þes kostnaðar sem hann verður fyrir og þá á að greiða tekjuskatt af mismuninum. Þetta er hins vegar þannig í framkvæmd að þessir aðilar fá greidda dagpeninga skv. skattmati og færa þá fjárhæð einnig að fullu til frádráttar þrátt fyir að hafa aðeins varið hluta eð broti af fengnum dagpeningum til greiðslu ferðakostnaðar. Þetta eru hrein og klár skattsvik sem skattyfirvöld líða vegna þess að starfsmenn þar á bæ fá að njóta sjálfir. Flugliðar í millilandaflugi fá einnig greidda dagpeninga jafnvel þó ferðir þeirra séu ekki tilfallandi og þeir verða ekki fyrir neinum sannanlegum ferðakostnaði, og hvar er þeirra vinnustaður annars staðar en í flugfarinu sjálfu? Þetta er allt fært að fullu til frádráttar frá tekjuskattstofni. Hvers vegna njóta strætisvagnabílstjórar þá ekki sambærilegra kjara? Til viðbótar þessum ósköpum þá eru þessir aðilar að safna persónulega vildarpunktum vegna kaupa launagreiðanda á flugmiðum og því óhagstæðari sem flugmiðakaupin eru því fleiri punktar. Punktana getur svo þessi aðili (ekki sá sem greiðir) notað til að greiða fyrir þjónustu eða flug sem hann nýtur persónulega. Þetta eru sem sagt hlunnindi sem umbreytanleg eru í peningaleg verðmæti og eru því tekjuskattskyld, en skattyfirvöld kjósa að láta kyrrt liggja - hvers vegna? Þetta minnir helst á þegar skreið var flutt í heilförmum til Nígeríu. Þá sáu kaupendur sér þann hag vænstan í því að semja við þjófagengin um að gæta vöruskemmanna. Glæpagengin og kaupendurnir nutu góðs af en ekki aðrir. Starfsmenn skattyfirvalda ættu að gera hreint fyrir sínum dyrum áður en þeir hlaupa til útlanda á skattsviknum dagpeningum til að kaupa stolin gögn um aðra skattsvikara en þetta má alveg gerast jöfnum höndum. Mér líst hins vegar illa á að skattyfirvöld hér ætli að stuðla að því að þjófar erlendis komist up með að svíkja undan skatti með nótulausum viðskiptum í því landi sem þeir eru skattskyldir. 

[Ásthildur Cesil Þórðardóttir, 6.3.2015 kl. 18:58]

Já hún er víst víða spillinginn í hinu opinbera kerfi, vona að þeir hafi ekki efni á að hlú að öldruðum, öryrkjum og sjúklingum.