Dagpeningafíklarnir.

Þessi tímaskekkja er enn við lýði. Skattyfirvöld hafa slegið skjaldborg um þessa skattsvikara enda hluti af þeim og engin breyting í sjónmáli. Dagpeningar eru undanþegnir tekjuskatti að því marki sem þeim er varið til greiðslu ferðakostnaðar. Skattyfirvöld kalla ekki eftir reikningum frá opinberum starfsmönnum til sönnunar (gera það hins vegar gagnvart einkafyrirtækjum). Staðreyndin er sú að þessir aðilar hafa verulegan mismun eftir sem greiða á tekjuskatt af en almenna reglan er að svíkja hann undan skatti með blessun skattyfirvalda. Þetta kerfi hefur gengið sér til húðar og auðvitað á aðeins að endurgreiða sannanlega útlagðan kostnað og þá má hafa þessar upphæðir til viðmiðunar. En æðstu skattsvikararnir sem ráða þessu fyrirkomulagi vilja alls ekki breyta þessu - þeir vilja áfram fá að svíkja undan athugasemdalaust. Og svo trúa einhverjir að á Íslandi sé engin spilling (N-Súdan).

Lækka dagpeninga yfir veturinn