Viðbótarkostnaður að fara að lögum?

Það fylgir því viðbótarkostnaður að fara að lögum. Er þá ekki bara einfaldara fyrir þessa aðila sem ekki hafa efni á að fara að lögum að loka sjoppunni bara? Seðlar og mynt eru lögeyrir í landinu hvað sem einhverjum finnst um það.

Taka ekki við peningum sem greiðslu

Athugasemdir

[Sigurður I B Guðmundsson, 24.8.2019 kl. 23:37]

Hverjir eiga þetta félag??

[Örn Gunnlaugsson, 25.8.2019 kl. 10:34]

Eitthvað held ég að eignarhaldið tengist Icelandair en upplýsingar um þetta eru ekki mjög aðgengilegar. Icelandair hefur hætt að taka við greiðslu um borð í vélum sínum í seðlum fyrir þó nokkru síðan. Sennilega hefur það verið gert í skjóli þess að vélarnar voru komnar út fyrir landhelgi þegar salan átti sér stað en engu að síður stórundarlegt. Þar var þó allt gjaldfært í ISK. Svikamyllan WOW tók ekki seðla en að auki voru allar vörur um borð gjaldfærðar í USD þrátt fyrir að vélarnar hafi verið skráðar á Íslandi. Í ljósi fregna af skorti á lambahryggjum á markaði fyrir stuttu (sem reyndust ekki á rökum reistar) hefði verið upplagt fyrir einhver fyrirtæki að taka aðeins við greiðslu í lambahryggjum. Þætti steinsofandi embættismönnum sem þessi mál heyra undir það brjóta nægilega í bága við lög um lögeyri landsins til þess að vakna af Þyrnirósarsvefninum og sinna skyldum sínum?