Hræsnari og mútuþegi.

Það er alveg með ólíkindum að þessi maður skuli láta svona lagað út úr sér án þess að nefna skipulagt mútukerfi embættismanna á Íslandi þar sem hann hefur haft gríðarlega hagsmuni af því sjálfur að viðhalda því. Það getur verið nokkurs konar túlkunaratriði hvað mútur eru. Gott dæmi um hvernig ríkisskattstjóri og skattrannsóknarstjóri hafa notið þessara vafasömu fríðinda eru svokallaðar ferðadagpeningagreiðslur. Lögum samkvæmt ber að greiða skatt af þessum greiðslum að því marki sem þær eru ekki nýttar til greiðslu þess kostnaðar en í skjóli tómlætis skattyfirvalda er ekki gengið eftir því og því um hrein og klár skattsvik að ræða. Indriði var Ríkisskattstjóri í mörg ár og ráðuneytisstjóri þar sem hann gat komið skikki á þessa hluti ef hann hefði kært sig um það. En væntanlega vegna þess að hann fékk að njóta ríkulega sjálfur hugnaðist honum ekki að stöðva þessa spillingu, ekki frekar en forverar hans eða þeir sem á eftir honum komu. Er þetta eitthvað annað en mútur þó smærri séu í sniðum og í öðru formi ? Nei þetta eru ekkert annað en mútur og svo miklir hræsnarar eru þeir sem þiggja að þeir hirða ekki um að reyna að fela þetta á annan hátt en að tala aldrei um þessa hluti. Skattyfirvöld búa yfir upplýsingum um hve miklu er stolið undan með þessu kerfi en hreyfa engu vegna þess að æðstu menn þar fá að njóta með ráðherrum, þingmönnum og öðrum embættismönnum. Með þessu kerfi þiggja allir þessir aðilar mútur sem þeir sækja sér raunar sjálfir í vasa skattgreiðenda. Þessi aðili talar augljóslega ekki af neinni þekkingu um hvernig viðskipti ganga fyrir sig í mörgum löndum heimsins. Sjálfur hef ég verið að vinna í svona löndum og það vita allir sem hafa komið nálægt viðskiptum þar að þau gerast hreinlega ekki nema smyrja í koppa á hinum ýmsu stöðum. Íslendingar eru enn á fleygiferð í Austur Rússlandi þó öllum sé ljóst með hvað hætti viðskipti þar fara fram. Sjólabræður, já og systur voru í útgerð við Marokko og Mauritaníu á undan Samherja og öllum sem kynntu sér þá starfsemi máttu vita hvernig kaupin gerðust þar á eyrinni. Nú er einn Sjólabróðir búinn að færa sig um set hinu megin við Afríku eða til Óman og hver veit hvernig hlutirnir gerast þar. Hitt er svo annað mál hvort íslensk fyrirtæki eigi eitthvað að koma nálægt rekstri í þessum löndum en viðskiptin gerast svona vegna þess að kerfið þar er svo rotið. Og ekki er það minna rótið hjá embættismannaelítunni á Íslandi, svo mikið er víst.

Dapurlegt dæmi um arðrán