Tæplega helmingur.

Betra hefði verið að leggja batteríið niður í heild sinni og finna fólkinu eitthvað verðmætaskapandi til að dunda við. Ég var á fyrirlestri fyrir um það bil áratug þar sem aðalhagfræðingur bankans hélt fyrirlestur. Spurning kom utan úr sal: "Hve margir vinna í Seðlabankanum ?" Svarið var: "Tæplega helmingur", kom reyndar líka utan úr sal, en hefur sennilega ekki verið fjarri lagi.

Átta störf lögð niður

Athugasemdir

[Þorsteinn Siglaugsson, 8.1.2020 kl. 18:15]

Á þessu er einföld lausn: Stytta vinnuvikuna um helming.

[Örn Gunnlaugsson, 8.1.2020 kl. 20:41]

Þorsteinn, ég var nú meira að spá í þetta út frá því að spara skattborgurunum útgjöld. Svoleiðis vangaveltur ganga reyndar algjörlega gegn hugmyndum þeirra sem ráða ferðinni. Það virðist vera í lagi að dreifa skattfé eins og skít á meðan þeir innviðir sem skipta almenning máli eru að molna niður. Það er ekki bara fjöldi ríkisapparata sem er algjörlega óþarfur heldur er verulega ofmannað í mörgum þeirra sem þó eiga tilverurétt. Þá er ég ekki að gagnrýna td. heilbrigðisþjónustu sem sannarlega þarf að vera í lagi en er ekki þar sem hún er fjársvelt.

[Þorsteinn Siglaugsson, 9.1.2020 kl. 00:02]

Ef vandamálið er að þeir vinni bara helminginn af tímanum er rökrétt að lausnin sé að senda þá bara heim um hádegið 

Er ekki sífellt verið að röfla um þetta - stytta vinnuvikuna? Sé ekki annað en að t.d. þeir sem væla mest yfir ofurmannlegu álagi á spítölunum séu jafnframt á því að vel megi stytta vinnuvikuna án þess að það komi niður á afköstum. En engum dettur hin lausnin í hug - reka bara slatta af liði og þá hefur hitt nóg að gera sem eftir er.

[Örn Gunnlaugsson, 9.1.2020 kl. 10:50]

Það er nákvæmlega það sem þarf að gera, segja upp slatta af þessu fólki hjá ríkisapparötunum, leggja niður allan óþarfa og láta af þessu ofurdekri. Einkageirinn sér um þetta sjálfur þar sem tekjur verða að duga frir útgjöldum. Þeir sem telja að hægt sí að stytta vinnutímann án þess að það komi niður á þeirri vinnu sem skilað er í vinnutímanum eru annað hvort miklu gáfaðari en við hin eða hafa verið að slæpast og svíkjast um í vinnunni og ég hallast að því síðarnefnda. RSK stytti vinnuvikuna með því að loka klukkan 1400 á föstudögum í stað klukkan 1530, sem sagt opið í 5 klst. í stað 6,5 klst. Auðvitað telur þetta fólk sér trú um að þetta skipti engu máli en það er væntanlega vegna þess að það verður ekki vart við að þeir sem koma til að sækja þjónustu koma að lokuðum dyrum. Skattpíningin er orðin svo mikil í landinu að sífellt fleiri sjá ekki ástæðu til að vinna, fara bara á jötuna og taka að sér ýmis viðvik fyrir greiðslu undir borðið.

[Þorsteinn Siglaugsson, 10.1.2020 kl. 11:36]

Sá í blaðinu í dag að það munu vera þrír upplýsingafulltrúar hjá þessari stofnun.

Þrír!

Hæfilegt magn af þannig er 0 myndi ég halda.