Lífsnauðsynleg innvortis sprittun.

Þetta sýnir í raun forgangsröðunina hjá krakkanum í dómsmálaráðuneytinu. En þar sem ég er Kóviti úr hófi fram hlýt ég að misskilja þetta. Er innvortis sprittunin jafn lífsnauðsynleg og útvortis ? Þó ég sé nú enginn bindindismaður þá held ég að það síðasta sem þjóðina vantar í þessum hremmingum sé aukið aðgengi að áfengi. Ef fólk er í alvarlegum fráhvörfum þá hlýtur að vera hægt að bjarga sér með eins og einu sippi úr handsprittbrúsanum. Aðuðvitað finnst veitingamönnum sjálfsagt að rekstri þeirra verði bjargað með því að fórna lýðheilsu landans.

„Gæti reynst sem plástur á svöðusár“

Athugasemdir

[Þorsteinn Siglaugsson, 26.3.2020 kl. 14:43]

"Fórna lýðheilsu landans" ?

Er ekki allt í lagi?

[Örn Gunnlaugsson, 26.3.2020 kl. 14:58]

Áfengisneysla er lýðheilsumál. En OK, ég skal umorða þetta. Í stað fórna lýðheilsu þá lesist það að bjarga á rekstri veitingamanna á kostnað lýðheilsu landans. En ef aðgengi að áfengi er svona ábótavant verður þá ekki að losa aðeins um hömlur á kókaínsmygli líka, það er víst skortur á því þessa dagana ? Aðgengi að áfengi er algjörlega fullnægjandi og þarf tæplega að auka það meðan fólk hangir heima hjá sér og bíður eftir að rætist úr ástandinu.

[Guðmundur Ásgeirsson, 26.3.2020 kl. 20:18]

Að sjálfsögðu á ríkið ekki að reyna að stjórna neysluhegðun fólks. Nóg er af opinberum apparötum sem gera lítið annað en að þvælast fyrir almennum borgurum.

[Örn Gunnlaugsson, 27.3.2020 kl. 12:57]

Guðmundur, svo hjartanlega sammála, held samt að þú sért að gera þitt besta til að snúa út úr. Við erum með reglur um að bannað sé að keyra gegn rauðu ljósi en ekkert sérstakt rauðuljósa-ríkisapparat sem sér um að fylgja því eftir. En ef þetta á að vera algjörlega frjálst þá þarf líka að vera samræmi í þessu hvað varðar öll eiturlyf og læknadóp, ekki bara áfengið. En burtséð frá því þá er fjöldi tilgangslausra ríkisapparata óheyrilegur og slíkt er ekki gott fyrir atvinnulífið. Apparatið Alþingi er og verður hvort eð er og ekki ástæða til að það misnoti ástandið til að liðka fyrir dreifingu eiturlyfja. Hef ekkert séð um að krakkinn í dómsmálaráðuneytinu hafi í hyggju að stofna apparat sem sér um heimsendingarþjónustuna á áfenginu, eða fór það fram hjá mér? Ef áfengi yrði markaðssett í dag yrði það ekki leyft. Tek það fram að ég er ekki þurrkaður þó ég sá ábyggilega löngu búinn með kvótann.

[Guðmundur Ásgeirsson, 27.3.2020 kl. 13:02]

Rauðuljósa-ríkisapparatið kallast lögreglan og auk þess eru sumstaðar notaðar myndavélar til eftirlits í þeim efnum.

[Örn Gunnlaugsson, 27.3.2020 kl. 13:09]

Lögreglan sinnir ýmsum gagnlegum verkefnum en er ekki eingöngu í að hirða þá hina sem keyra gegn rauðu ljósi.  Ég hef aldrei fullyrt að ekki sé þörf á sumum ríkisapparötum en flest þeirra eru algjörlega tilgangslaus og þvælast engöngu fyrir. Lífið er ekki bara annað hvort svart eða hvítt. En þeir sem aðhyllast að kæfa almenning í sem flestum ríkisstofnunum beita þessháttar rökleysu yfirleitt þegar allt annað þrýtur. Rökleysan er slík að samhliða því að leggja niður óþarfann sé þá hægt að loka löggæslu og heilbrigðisþjónustu einnig. Það er erfitt að eiga vitrænar samræður við slíkt fólk.