Lögfræðingar.

Byrjum á að afnema lögverndun lögfræðinga.

Bakarameistarar ósáttir með ummæli OECD

Athugasemdir

[Þorsteinn Siglaugsson, 10.11.2020 kl. 23:24]

Já, það má eflaust alveg gera það. Ég myndi nú samt alltaf fara fram á að sjá prófskírteini og sannanir fyrir reynslu af málflutningi áður en ég réði lögmann til starfa, enda meiri líkur en minni á að skortur á lagaþekkingu verði til trafala í málflutningi.

[Örn Gunnlaugsson, 11.11.2020 kl. 11:01]

Takk fyrir innlitið Þorsteinn. Mín reynsla er reyndar alveg þveröfug. Í tveimur málaferlum sem ég þurfti að taka slag réð ég sitt hvorn svokallaðan stjörnulögfræðinginn í hvort mál. Báðir þessir aðilar eru vel þekktir hæstaréttarlögmenn í þjóðfélaginu. Þrátt fyrir að hafa báðir fullvissað mig um að málin væru borðleggjandi svo gott sem unnin þá töpuðust þau bæði. Annar gleymdi að mæta í málflutninginn en hinn virtist hafa verið svo utan við sig að hann vissi eiginlega aldrei um hvað málið sem hann tók að sér fjallaði. Ég efast um að skortur á lagaþekkingu hafi valdið niðurstöðunum. Þetta kom þó ekki í veg fyrir að þeir höfðu báðir rænu á að krefja mig um digra þóknun fyrir sín illa unnu störf. Eftir hrunið átti ég í tveimur aðskildum málaferlum við sitt hvort fjármálafyrirtækið. Bæði þessi fyrirtæki höfðu her lögfræðinga til að vinna slæmum málstað sínum brautargengi fyrir dómstólum. Mér varð ljóst í upphafi að réði ég lögmenn til að sinna þessu fyrir mig yrði ég gjaldþrota löngu áður en málin færu fyrir dóm og valdi ég því að verja mig sjálfur. Ég má verja mig sjálfur en ég má ekki fá einhvern ólöglærðan sem ég treysti til þess. Ég þurfti að lesa mér aðeins til en niðurstaðan varð sú að ég hafði betur í báðum málaferlunum og fór annað fyrir Hæstarétt. Áður fyrr þá var menntun af skornum skammti en samt gat fólk ýmislegt. Í dag eru flestir sprenglærðir og kunna margt en geta margra virðist alveg í öfugu hlutfalli. Ef þú þarft að reka mál, hvers vegna mátt þú ekki fá góðan vin sem þú treystir til að reka það í stað aðila með málflutningsréttindi ? Mín reynsla úr rekstri við starfsmannaráðningar er að betra sé að spyrja viðkomandi hvað hann geti frekar en hvað hann kunni og ágætt að geyma gráðurnar bara í ramma eða umslagi þar sem þær verða ekki fyrir hnjaski.

[Sigurður I B Guðmundsson, 11.11.2020 kl. 15:55]

Næst ætti síðan að afnema lögverdun presta. Þarf einhvern sprenglærðan prest til að segja okkur hvað gerðist á jólum, páskum og að skíra og jarða fólk.

[Þorsteinn Siglaugsson, 12.11.2020 kl. 00:05]

Löngum var ég læknir minn,
lögfræðingur prestur,
smiður, kóngur, kennarinn,
kerra, plógur, hestur.

Þannig orti Stephan G.

[Örn Gunnlaugsson, 12.11.2020 kl. 14:14]

Sigurður, ég er nú bara ekki viss um að klerkarnir eigi nokkurn tilvistarrétt yfir höfuð, amk. ekki á kostnað skattgreiðenda.

Þorsteinn, þarna held ég að Stephan G. hafi einmitt hitt naglann á höfuðið og ég er viss um að margir eru betri í öllu þessu heldur en þeir sem eru bara með sérhæfingu og feitar gráður. Margir gleyma því nefnilega að þó menntun sé almennt af hinu góða þá lærir fólk það sem mestu máli skiptir í skóla lífsins.