Bættu brunarústirnar fyrst !

Eignaðist hann Aukakrónur með viðskiptum við Landsbankann ? Eða eru þetta Aukamilljarðarnir sem hann skildi eftir í skuld við Isavia í samvinnu við einfeldningana sem stjórna þar en í boði skattgreiðenda ? Skúli, viltu ekki fyrst bæta þær brunarústir sem þú skildir eftir þig síðast ? Það er alveg með ólíkindum hvað sumir komast upp með að vaða um allt og skilja eftir sig eyðileggingu hvar sem þeir fara. En þeir virðast ávallt eiga vini í bönkunum, spjátrungar af sama sauðahúsi.

Skúli Mogensen í ferðaþjónustu á ný

Athugasemdir

[Sigurður I B Guðmundsson, 30.12.2020 kl. 10:46]

Svo er bara að fjölmenna til Skúla en fyrst að fylla bílinn hjá Orkunni hans Jóns Ásgeirs!!!!

[Örn Gunnlaugsson, 30.12.2020 kl. 11:18]

Sigurður, þeir eru mjög margir í atvinnulífinu í dag sem ekki hefðu átt að fá heimild til upprisu. Nokkrir landráðamennirnir bjuggu við góðan kost á Kvíabryggju með útsýni á Kirkjufellið í boði skattgreiðenda eftir hrun. Sögur fóru jafnvel af því að eiginkona eins þeirra hafi setið sjálfviljug þar inni með honum svo þau gætu haft það notaleg saman. Þeir skildu margir eftir sviðna jörð hér og búa nú í vellysingum erlendis en samt enn að pönkast á landi og þjóð með atvinnurekstur hér. Þessa menn á að svipta ríkisborgararéttinum og banna komu þeirra til Íslands. En það virðist enginn vilji til að stöðva þessa rányrkju hér. Hér er það talin dyggð að pönkast á almenningi.

[Jóhann Elíasson, 30.12.2020 kl. 12:44]

Og ekki gleyma milljarða - sölunni á "kolefniskvótanum" sem hann seldi rétt fyrir gjaldþrot WOW......

[Örn Gunnlaugsson, 30.12.2020 kl. 13:32]

Jóhann, og þetta er allt í boði skattgreiðenda í raun. Siðblinda og fáviska þessara drullusokka er slík að þeir hafa ekki einu sinni vit á að læðast með veggjum og láta lítið fyrir sér fara, hvað þá að hverfa til staða þar sem hin eiginlegu fórnarlömb þeirra þurfa ekki að verða vör við þá. Og ráðamenn, hámenntaðir rassgráðumógularnir spila svo með í von um að verða boðnir í næsta partý. Á Íslandi er engin spilling, eða þannig sko!

Er ekki kominn tími til að safna liði til framboðs í öllum kjördæmum til næstu þingkosninga ? Ég legg til nafn á flokknum sem væri Hægri Vondir. Á stefnuskránni mætti vera að gera svona menn ábyrga gjörða sinna, snúa flóttamönnum við á landamærunum á ábyrgð flutningsaðila, hætta bótagreiðslum til þeirra sem nenna ekki að vinna og þykjast vera óstarfhæfir eða vilja fá borgað fyrir áhugamál sín, reka úr landi útlendinga sem ætla að starfa hér til langframa og nenna ekki að læra tungumálið eða aðlagast. Innkalla kvóta og leigja til hæstbjóðenda, leggja niður eftirlauna og lífeyrissjóði og þjóðnýta, svo fá allir gamlingjar sama lífeyri, banna rányrkju fjármálafyrirtækja, banna skylduaðild að verkalýðsfélögum, skera ALLA fitu af ríkisrekstri og stórlækka þannig skatta, segja upp öllum starfssamningum við stjóra hjá hinum opinbera og bjóða út þannig að lægstbjóðandi hæfur verði ráðinn, taka á skattsvikum opinberra starfsmanna sem og annarra. Það er af mörgu að taka en aðalatriðið að taka ekki þátt í stjórn nema með hreinum meirihluta og samþykkja engar málamiðlanir meðan verið er að taka til. Þá er í raun hægt að hafa vælandi minnihlutann heima svo hann trufli ekki tiltektina. Ég auglýsi hér með eftir Vondu fólki sem hallar sér til Hægri án þess að hafa sjálftökutilhneygingu með mér í þessa vegferð.

[Jóhann Elíasson, 30.12.2020 kl. 15:00]

Þó svo að ég sé frekar andvígur því að fjölga flokkum á þingi, því mér ofbýður alveg það samansafn sem er þarna niðurfrá, er ég ekki frá því að þetta sé bara ágætis hugmynd hjá þér....

[Sigurður I B Guðmundsson, 30.12.2020 kl. 17:02]

Skíra flokkinn: Hægrða vinstrið!!

[Örn Gunnlaugsson, 30.12.2020 kl. 18:14]

Sigurður, hugsanlega er hann bara bæði til hægri og vinstri. Sennilega leynist í mér smákommapjakkur. Ég vil samt ekki að sumir séu jafnari en aðrir. Það er EKKERT nothæft sem í boði er inni á þingi núna. Þeir sem ekki eru þar til í að mylja undir sig sjálfa eins og ólígargarnir þegar Sovét var að leysast upp eru annað hvort gleymnir aflandskóngar eða undirlægjur annarra og restin lítur á skattgreiðendur sem óþrjótandi peningauppsprettur til endalausra gæluverkefna og aumingjaframleiðslu. Svo er jú hentistefnudýralæknaflokkurinn alveg sér á parti sem er aðallega í að útvega fyrrum skólafélögum formannsins einhver embætti þó viðkomandi hafi ekki hundsvit á starfseminni. Sigurður, viltu ekki taka að þér eitt kjördæmi eða svo ?

[Sigurður I B Guðmundsson, 30.12.2020 kl. 18:49]

Þó ég heiti Sigurður Ingi á ég ekki heima á Al-þingi!!

[Örn Gunnlaugsson, 30.12.2020 kl. 20:48]

Sigurður, sennilega áttu samt meira erindi þangað en nafni þinn. Mér sýnist að flestir sem þar eru núna hafi villst.