Talar hann undir rós ?

Nákvæmlega þetta orðalag var haft uppi 2007 þegar verið var að lýsa því að þensluskeiði væri að ljúka þá. Bankastrákar á skuttbuxum og og bankastelpur í stuttpilsum jöpluðu á þessum frasa ,,mjúk lending,, og pólitíkusarnir hrifust með. Við skulum ekki skauta fram hjá því að Samspillingin var líka að fullu meðvirk og í raun í aðalhlutverki í aðdraganda þeirra ,,mjúku lendingar,, tiltölulega nýkomin í stjórnarandstöðu. Núverandi Seðlabankastjóri var þá forstöðumaður greiningardeildar hjá KriminalBank og nýtti sér þennan frasa óspart. Enginn þessara aðila þurfti að axla ábyrgð, það var almenningur í meðaljónastétt sem tók skellinn af ,,mjúku lendingunni,, sem kom ári síðar. Þistilfjarðarmóri, dýrastur í sögunni fyrir skattgreiðendur, í forystu Villtra Galinna barði sér á brjóst og fór mikinn eftir að hann komst í eina sæng með Silfurskottunni í Samspillingunni. Þau skötuhjúin stöggluðust sínkt og heilagt á að þau væru að moka skítinn eftir fyrirrennara sína en þau áttuðu sig bara ekki á að þau mokuðu honum yfir allan almenning í meðaljónastétt og þar fyrir utan var þetta ekki bara annarra manna skítur að öllu leyti heldur áttu allir flokkar sinn hlut í umræddum skítahaug. Eini flokkurinn sem er saklaus af þessu öllu eru Prímatar enda vilja þeir bara vera í stjórnarandstöðu til að mótmæla án þess að hafa nokkuð vitrænt fram að færa. En auðvitað man sá mæti maður sem talar um ,,mjúka lendingu,, nú ekkert eftir því sem gerðist fyrir rúmum áratug, hann mundi ekki einu sinni eftir að hafa átt eignir í Macao meðan hann átti þær og hann kannaðist heldur ekkert við að hafa verið í Covid partýi í miðjum heimsfaraldri. Önnur merki um ,,mjúka lendingu,, nú er að fyrrnefndir krakkar á stuttbuxum og í stuttpilsum eru aftur mætt til leiks til að ginna almenning í meðaljónastétt til að setja peningana sína í hlutabréf svo hægt sé að hafa aleiguna af honum. Er Fjármálaráðherrann nú að reyna að segja okkur eitthvað núna til að eiga einhverjar málsbætur eftir ,,mjúka lendingu,, en talar bara undir rós ? Forsætisráðherrann í aðdraganda síðustu ,,mjúku lendingar,, fullyrti alveg fram að sminki hjá RÚV fyrir ,,Guð blessi Ísland,, ávarpið að allt væri í gúddí og ekkert að óttast.

Útlit fyrir mýkri lendingu