Fjármögnun hryðjuverkasamtaka.

Það kemur því miður upp í hugann að þeir sem styðja fjárhagslega við svona lagað eru ekki svo fjarri hugmyndalega þeim sem styðja ISIS. Væri ekki nær að þessi maður styddi þá aðila sem telja sig eiga harma að hefna til að fara með sín mál rétta leið gegnum réttarkerfið. Svona lagað er ekkert nema fjárstuðningur til að brjóta niður réttarkerfi okkar.

Býðst til að borga allan lögfræðikostnað gegn Ingó

Athugasemdir

[Flosi Eiríksson, 14.7.2021 kl. 10:18]

Bíddu nú - er ekki fagnaðarefni ef að það á að reka svona mál í gegnum dómskerfið að þeir sem eru lögsóttir hafi möguleika á að verja sig. Eða ert þú bara tilbúinn að dæma eins og ,,dómstóll götunnar" sem þú ert alltaf að hneykslast á. Það er nú ekki mikið samræmi í málflutningi þínum :)

[Örn Gunnlaugsson, 14.7.2021 kl. 11:43]

Jú Flosi, það er mikið fagnaðarefni ef menn átta sig almennt á að reka eigi svona mál gegnum dómskerfið. En það á bara líka við og ekki síður um það fólk sem hefur komið með nafnlausar ásakanir. Þú ert greinilega eitthvað að misskilja minn málflutning. Ég er bara ekki sáttur við að fólk geti farið með fleipur og komið með alvarlegar ásakanir á aðra án þess að koma fram undir nafni og standa fyrir máli sínu. Sá sem fyrir árásunum verður þarf svo að sækja rétt sinn fyrir dómstólum til að sanna sakleysi sitt. Þarna er búið að snúa hlutunum á haus. Þeir sam hafa hent fram svona nafnlausum ásökunum eru ekki miklir bógar og vilji þeir sækja rétt sinn á að reka slíkt fyrir dómstólum en ekki með því að kasta fram dylgjum. Að gangast í ábyrgð vegna málskostnaðar fyrir fólk sem telur sig geta sakað aðra um alvarlega glæpi eða haft milligöngu um að dreifa nafnlausum ásökunum ýtir bara undir að þeir hinir sömu haldi dreifingu á óhróðri áfram án þess að það hafi nokkrar afleiðingar fyrir þá.

[Flosi Eiríksson, 14.7.2021 kl. 19:14]

Ég held að ég sé ekkert að misskilja þig. Þú ert á móti því að þolendur kynferðisofbeldis tali um það annars staðar en hjá lögreglu, og eigi alltaf að kæra þar. Þrátt fyrir að sagan sýni okkur hér á landi og í heiminum að það er lítið hlustað á slíkar kærur. Nóg er að minna á ákærur á hendur kaþólsku kirkjunni víða um heim í sambandi. Finnst þér ekki ólíklegt að svo margar sögur og ásakanir kæmu fram ef ekki væri fótur fyrir þeim? Og það er heilvíti mikil ásökun að segja að þær konur sem treysta sér ekki til að koma fram undir nanfi ,,séu ekki miklir bógar" Þess má geta að alla vega tveir af þeim sem kærðir eru blaðamenn sem hafa flutt fréttir af því sem er til umræðu í samfélaginu - ertu líka á móti því?

[Örn Gunnlaugsson, 14.7.2021 kl. 21:08]

Flosi, þú ert greinilega ekki viðræfuhæfur um þessi mál, þú ert að misskilja færslu mína. Lestu færslu mína aftur. Þar er ég að deila á að óskyldur aðili ætlar að stökkva inn og greiða kostnað þeirra sem koma með nafnlausar ásakanir af málaferlum hvernig sem þau fara. Með þessu er verið að stuðla að því að fólk komi fram með ásakanir á hendur öðrum og svifti þá ærunni án þess að þurfa að taka afleiðingunum þar sem einhver annar borgar, sama hvernig málið fer. Réttur farvegur fyrir ásakanir af þessu tagi sem og öðrum er í gegnum réttarkerfið. Telji sig einhver eiga harma að hefna á hann ekki að bera ásakanir á torg sem hann treystir sér ekki til að koma með undir nafni. Nafnlausar ásakanir eru ómarktækar. Kynferðisofbeldi er viðurstyggilegt og þeir sem uppvísir eru af slíku eiga að fá refingu við hæfi. Efist þú um mitt viðhorf til þess þá tel ég að viðeigandi refsing fyrir slíkt ætti að vera á pari við refsingu fyrir manndráp. Það er hins vegar líka viðurstyggilegt að bera fólk þungum sökum opinberlega án þess að hafa nokkuð sem styður ásakanirnar og hægt er að festa sönnur á. Þetta er ekki spurning um hvað er líklegt eða ólíklegt. Það er slæmt að sekir menn gangi lausir en það er illskárra en að saklausir sitji í fangelsi. Ég tel rangt að nafngreina grunaða en sakfellda á að birta allar upplýsingar um með mynd. Maður er saklaus þar til sekt hefur verið sönnuð. Vilt þú standa í þeim sporum að vera sakaður um alvarlegan glæp og geta ekki sannað sakleysi þitt ? Ef þetta snéri að þér þætti þér sennilega eðlilegt að þeir sem beri þig sökum komi með sannanir.