Milljónadressin hafa talað.

Það þarf mörg milljónadress til að lagfæra það augljósa. Hringlandagangurinn er ótrúlegur. Gríðarleg lækkun vaxta varð til þess að margir fóru af stað og skuldsettu sig upp í rjáfur í húsnæðiskaupum mtt. ráðstöfunargetu til húsnæðiskostnaðar sem þrýst hefur húsnæðisverði upp undanfarið. Hækkun vaxta veldur svo því að þeir sem spenntu bogann til hins ítrasta meðan vextir voru lágir lenda í vandræðum í vaxtahækkunum. Sparifjáreigendur sem fjármagna partýið líða fyrir lága vexti þar sem þeir halda langt því frá í við verðbólguna. Til að auka notarlegheit sparifjáreigenda fá þeir hins vegar að njóta þess heiðurs að greiða fjármagnstekjuskatt af innistæðurýrnun sinni. Lítils virði er nú innihald þess sem pakkað er í þessi milljónadress á Svörtuloftum.

Beint: Stýrivaxtahækkunin kynnt

Athugasemdir

[Guðmundur Ásgeirsson, 25.8.2021 kl. 16:36]

Þessi vaxtahækkun er samt smámunir í samanburði við hvað verðtryggðu lánin hafa hækkað mikið vegna áhrifa kórónuveirukreppunnar.

Ríkisstjórnin lofaði því í byrjun faraldursins að verja heimilin fyrir verðbólguskoti en hefur nákvæmlega ekkert gert í þá veru.