Ódýr skýring.

Gullfiskaminni Íslendinga er ótrúlegt. Þingmenn hafa líka notað þennan frasa mikð, þ.e. að þeir eigi erfitt uppdráttar eftir þingmennsku en samt virðast þeir ávallt koma sér fyrir í mjúkbólstruðum blómastólum að þingmennsku lokinni. Ég minnist þess ekki að hafa nokkurn tímann á lífsleiðinni fengið greidd laun lengur en til þess dags er ég lét af störfum, Biðlaun og Neyðarsjóður er eitthvað sé ég hef aldrei haft hugmyndaflug í að láta mig dreyma um frekar en almennt fólk á vinnumarkaði. En þetta þykir víst bara eðlilegt meðal þeirra sem eru jafnari en aðrir í hinu gjörÓspillta samfélagi okkar. Og víst er að verkalýðsforkólfarnir eru almennt ekkert minna bíræfnir en banksterarnir voru í hruninu.

Lítur á biðlaunin sem „tímabundna afkomutryggingu“

Athugasemdir

[Magnús Sigurðsson, 25.2.2025 kl. 15:59]

Svona til að skerpa á gullfiskaminninu og hve mikilvægt er að fá biðlaun í varasjóð fjölskyldunnar vegna, eins og allir launþegar hljóta að skilja. 

Unnið upp úr upplýsingar frá skattinum vegna ársins 2022, -Ragnar Þór Ingólfsson er launahæstur þeirra verkalýðsleiðtoga sem úttekt DV nær til. Ragnar Þór fékk 1.498.750 í mánaðarlaun á síðasta ári en hann lækkaði verulega í launum milli ára eða um 14,7%.

Þessi fréttatilkynning mbl um tímabundnu afkomutrygginguna, er ekki bara siðblinda hún er hreinlega siðlaus í þessu ljósi.

https://www.dv.is/eyjan/2023/08/17/tekjur-islendinga-2022-ragnar-thor-laekkar-hlutfallslega-meira-launum-en-halldor-benjamin-milli-ara/