Nígeríugangsterar.

Fyrir nokkrum áratugum þegar ég starfaði á fraktskipum sem fluttu skreið til Nígeríu var viðvarandi vandamál hve miklu var rænt úr vöruskemmum sem skreiðin var flutt í og jafnvel gerð áhlaup á þær. Eigendur farmsins áttu í miklum vanda við að ráða bót á þessu en endirinn varð sá að glæpagengin sem stálu úr skemmunum voru ráðin til að vakta þær. Og merkilegt nokk, nú virtist ekki stolið svo miklu sem sporði, eða þannig leit það út amk. Mig rekur ekki minni til að Ólafur Þór hafi verið meðal þeirra áhafna sem ég var í á þessum árum en einhvernveginn hefur hann öðlast mikla hæfileika í svona gangsterataktík. Víða hef ég komið í veröldinni og orðið vitni af gríðarlegri spillingu. Spillingin er ekkert minni hérlendis en munurinn er sá að hér sitja gjörspilltir embættismenn sem fastast og sjá ekkert athugavert við misgjörðir sínar. Bæði Héraðssaksóknari og Ríkissaksóknari virðast haldnir þessum kvilla á mjög alvarlegu stigi. Og svo á almenningur að hafa trú á réttarkerfinu. 

Saksóknari samdi við PPP

Athugasemdir

[Guðmundur Ásgeirsson, 10.5.2025 kl. 21:44]

Fengu varðmennirnir kannski borgað í skreið svo þeir þyrftu ekki að stela henni?

[Örn Gunnlaugsson, 11.5.2025 kl. 11:04]

Guðmundur, ég var ekki innvinklaður í reksturinn hjá þeim þannig að ég þekki það ekki. Það kom hins vegar upp úr dúrnum fyrir stuttu að starfsmenn Skattsins hér voru um tíma á bónuskerfi við að eltast við skattsvikara. Þeir hafa þá væntanlega verið upp á hlut og fengu aukagreiðslur í því sem aflaðist. Spillingin lifir víða góðu lífi í samfélagi okkar.