Verðfellt glingur.

Fjölmargir orðuhafar hafa fengið þetta glingur fyrir það eitt að mæta í vinnuna og jafnvel ekkert allt of vel. Dæmi eru um að sumir hafi fengið orðuna fyrir að pönkast á skattgreiðendum og misnota styrki frá ríkinu td. í Covid til að halda fólki á launum en samt haft það í blússandi verkefnum til eigin tekjuöflunar á sama tíma. Ef um væri að ræða einhverja alvöru orðu væri hún eingöngu veitt fyrir alvöru afrek eins og td. lífsbjörg.

Kippur í skilum fólks á fálkaorðum

Hugmyndaflug á heimsmælikvarða!

Það verður nú að taka viljann fyrir verkið hjá þessum snillingum sem stjórna Isavia. Ef þessi dómur hefði fallið Isavia í vil þá hefðu kröfuhafar vegna skulda í fasteignum getað stefnt nágrönnum skuldarans til greiðslu og gert lögtak í húsum þeirra bara fyrir þær einu sakir að búa í sömu götu og skuldarinn. Hjá Isavia er ekki ein báran stök. Allt sem kemur að þjónustu er rukkað fyrir upp fyrir rjáfur. Á Keflavíkurflugvelli er gjaldtaka fyrir bílastæði með þeim hætti að sé ferðast fyrir nokkra daga til útlanda þá borgar sig frekar að taka leigubíl af höfuðborgarsvæðinu en að geyma bílinn úti á velli. Svo hressilega er rukkað fyrir aðstöðu á vellinum að það er aðeins fyrir efnafólk að kaupa þar eitthvað að bíta og brenna. Reyndar er fóðrið á vellinum sem stendur til boða svo dapurt að flokka verður það með andafóðri í brauðformi. Ótrúlegt að ekki skuli vera hægt að bjóða þar upp á mat eins og td á Kastrup, Heathrow eða Gatwick. Klúðrararnir sem stjórna Isavia sitja sem fastast þrátt fyrir að valda félaginu sem er í eigu ríkisins stórtjóni. Mörgum er nú sparkað fyrir minna í einkageiranum. En þessi málarekstur sýnir að hugmyndaflugið er frjótt hjá snillunum, Sky is the limit!

Isavia hlaut ekki meðbyr í Hæstarétti