Vítisenglar ?

Þessi skæruliðahópur sem hæst lætur með formanninn í broddi fylkingar minnir æ meira á gengi sem vaða uppi. Jafnvel klæðnaðurinn hefur þar sterka skírskotun. Að verkalýðsfélagi sé stætt á að taka fyrir einn rekstraraðila eins og hér er verið að gera er frekar undarlegt og sé slíkt löglegt þá er ekki rétt staðið að löggjöfinni. Fólk getur svo sem alveg átt rétt á að stunda  niðurrifsstarfsemi sér til framdráttar en það ættu þá að vera allir félagsmenn sem legðu þá sitt á vogarskálarnar með tilheyrandi tjóni til að ná markmiðunum. En þar fyrir utan þá ætti hver og einn að hafa sjálfstæðan rétt til að standa utan félaga kjósi hann slíkt. Hér er félagafrelsi í orði en ekki á borði. Þeir sem ekki taka þátt í atkvæðagreislunum eru í raun þvingaðir í félagið og því ekki fálagsmenn sem slíkir.

Munu bæta Íslandshótelum allt tjón

Nútímahandverk.

Þetta var ekki stórmál áður þegar menn máttu vera að því að vanda sig. Nú er fúskað frá grunni og upp í rjáfur. En svo er líka vandamál með eldri byggingar sem skyndilega eru farnar að mygla. Nóg öndun er oftast nægjanleg til að koma í veg fyrir þetta vandamál í eldri húsum. Flöt þök virka ekki í íslenskri veðráttu, amk. ekki flest þeirra sem byggð eru í dag, eðlisfræðin hefur ekkert breyst.

Mygla og fúsk víða í nýlegum byggingum

Hver borgar fyrir gaufið ?

Skv. útboðslýsingu átti verkinu að vera að fullu lokið í september 2022 en annan eins gaufaragang hefur maður ekki horft upp á lengi við brúarsmíði. Ber verktakinn sem átti að vera búinn að ljúka verkinu fyrir 4 mánuðum síðan kostnaðinn við að rjúfa veginn og koma honum í sama horf aftur ? Eða er handvömm um að ræða hjá opinberum aðilum sem skattgreiðendur fá að punga út fyrir ?

Grafa í sundur veginn vegna vatnavaxta

18 ára verður skyndilega 109 ára.

Mikil ósannindi eru í þessari frétt. Það Eimskip sem fæddist 1914 dó í efnahagshruninu og náði því ekki 100 ára afmælinu. Það hét Eimskipafjelag Íslands hf. Eimskip Ísland ehf er hér með stolnar fjaðrir en það fæddist þann 2. nóvember 2004 undir nafninu Skipaafgreiðsla Suðurnesja ehf. Eimskip er því ekki nema 18 ára í dag og ekki einu sinni komið á brennivínskaupaaldurinn. Það hefur því enginn náð 25 ára starfsaldri hjá því fyrirtæki sem hér um ræðir.

Eimskip fagnar 109 árum í dag

Yaris á stærri dekkjum.

Jeppi er ekki jeppi nema hann sé jeppi. Þetta er ekki jeppi, bara yaris á stærri dekkjum.

Kynna nýjan alrafmagnaðan lúxusjeppa

Félagafrelsi!

Á Íslandi er félagafrelsi í orði en ekki á borði. Ef félagafrelsi væri í raun þá hefði fólk frelsi til að vera í hvaða félagi sem væri eða standa algjörlega utan félaga. Best sést í atkvæðagreiðslum hjá verkalýðsfélögunum sá fjöldi sem eru félagar viljugir. Hinn hlutinn sem er í flestum tilvikum mun stærri partur þeirra sem teljast félagar eru þá nauðbeygðir og skikkaðir til að greiða í félög sem þeir hafa ekki óskað eftir að vera meðlimir í. Ofstækisfólkið stillir þessu gjarnan upp sem ,,,við og hinir,,, en áttar sig ekki á að á endanum fara hagsmunir beggja saman. Það eru ekki allir vinnuveitendur vondir þó innan um leynist skemmd epli eins og alls staðar, jafnvel líka hjá Eflingu sem hefur reyndar komið á daginn.

Uggandi félagsfólk Eflingar í pattstöðu

Alþjóðlegur glamúr ???

Merkilegheitin ríða ekki við einteyming þarna. Reksturinn er allur háður leiguvélum og því er þetta ekki flugfélag í þeim skilningi, heldur flutningsmiðlun sem selur pláss í flutningsförum annarra. Það háir mér hins vegar ekki þó starfsfólkið væri allt mállaust um borð, einu sinni er nóg eins og það nægði líka með fyrirrennara þessa glamúrs. Við erum svo lánsöm að nokkur FLUGFÉLÖG fljúga til og frá landinu.

Íslenskan í aftasta sæti hjá Play

Útvarp Væll og Grátur.

Margur á hættu á að verða illa hugsandi og þunglyndur á að hlusta of mikið á sumar útvarpsstöðvar, hentar kannski tímabundið þeim sem eru hyper-glaðir. Félagi minn sagði mér af því fyrir nokkrum árum að nágranni hans hafi selt bíl sem hann varð að taka til baka vegna galla. Útvarpið var víst fast á ónefndri útvarpsstöð sem ég þori ekki að nefna hér og ekki hægt að slökkva nema að drepa á bílnum. En nú hlusta jafnvel gamlingjar á mínum aldri ekki lengur á útvarp, þeir velja bara eitthvað létt og gott af Spotify og láta allt dægurþras lönd og leið, nema helst til að grínast með það. Svili minn í sveitinni sem er reyndar ögn eldri missir hins vegar aldrei af Sprengisandi og er alveg uppveðraður af (fá)viskunni sem flæðir þar í hverjum þætti.

Vill leggja niður nefskatt til RÚV

Ég líka.

Ég vinn líka heima og að heiman og geri stundum gagn. Ég hef samt ekki fengið útborgað lengi. Hvert get ég eiginlega leitað ?

Fengu að vinna heima á milli jóla og nýárs

Sáttaferli ?

Er hægt að fara í sáttaferli fyrir að brjóta af sér ? Á ekki að refsa glæpamönnunum ? Ég keyrði 20 km yfir hámarkshraða um daginn, í staðinn lofa ég að keyra jafnlengi 20 km undir hámarkshraða og málið dautt ! Það er svona sáttaferli, eða þannig sko....

Ætla ekki að tjá sig fyrr en sáttaferli lýkur