En þarf 4 - 6 ára háskólanám ?

Þessi laun eru engin rausn séu þau borin saman við laun ómenntaðra mállausa þræla austantjaldslandanna sem fluttir eru hingað til lands til að vinna þau störf sem landinn telur sig of fínan í. En þarf ekki líka að spyrja hvort 4 - 6 ára háskólanám sé nauðsynlegt ? Þarf jafnlangt háskólanám til að gæta smákrakka á barnaheimilum ? Reyndar hefur barnaheimili verið fíníserað í leikskóla svo líti út eins og einhver kennsla fari þar fram að ráði. Missir sá mikið úr sem tekinn er í burtu á miðri önn til að verða samferða foreldrum sínum til útlanda á ferðalögum ?

„Hún spyr hvað er nóg, þetta er ekki nóg“

Hvort vilt þú skattgreiðandi.....

að skattarnir fari í að efla heilbrigðiskerfið svo það sé betur í stakk búið til að bjarga lífi þínu og/eða auka lífgæði þín EÐA að þeir fari i gæluverkefni til td. styrktar einkafjölmiðlum og listamannabóta svo útvalinn hópur geti einbeitt sér að hugðarefnum sínum ? Hér er aðeins tvennt nefnt en tæmandi listi yrði býsna langur jafnvel áður en tekið yrði á að leggja niður fjölmargar tilgangslausar ríkisstofnanir. Hinir hávaðasömu sem ekki borga skatta en heimta hvað mest af gæluverkefnum þurfa ekkert að velta þessari spurningu fyrir sér af augljósum ástæðum.

Segir rugl að spítalinn sé ekki vanfjármagnaður

Þjóðhátíðarlagið í ár.

Ekki þarf að efast um hver muni eiga lag og texta þjóðhátíðarlagsins í ár, "Sekur uns sakleysi er sannað" í hópflutningi öfga. Sér er nú hver viðbjóðurinn.

„Þetta er gaman sem misferst“

Vanbúnar smápúddur á sköllóttu.

Nei auðvitað hefur það ekkert með óhöppin að gera að verið er að þvælast á vanbúnum smápúddum á sköllöttum dekkjum við aðstæður sem ekki henta slíkum farartækjum í vetrarfærðinni. Er ekki rétt að splæsa bara í snjóbræðslukerfi í allar götur svo litlu púddurnar í reiðhjólaflokkinum geti fengið að vera í þessari færð úti í umferðinni ?

Missa stjórn á bifreiðum vegna illa skafinna gatna

Flett og lesið.

Útgefendur miðla berja sér margir á brjóst og grobba sig af lestri sinna miðla. Fréttablaðið hélt á sínum tíma fram að blaðið væri mest lesið. En það er munur á mest fletta blaði og því mest lesna. Fyrir margt löngu síðan þegar þessi miðill hætti að detta inn um lúguna hjá mér minnkaði bara það sem fór í pappírstunnuna, lesturinn breyttist ekkert.

Hætta útburði vegna taps Fréttablaðsins

Minna rusl.

Enginn söknuður hér og ekki hefur þessi snepill reyndar dottið inn um lúguna hjá mér lengi. Skiptir þetta líka nokkru máli ? Æ færri sem nenna að fylgjast með enda sáralítið af fréttum í þessum miðlum. Nú treysta miðlarnir á örlæti Lilju og co. sem ákvað að moka peningum skattgreiðenda í að halda úti all kyns miðlum, jafnvel þó þeir séu hverfandi sem nenna að fylgjast með þeim.

Hætta að bera út Fréttablaðið

Ríkisrekstur Sjálfstæðisflokksins.

Þrátt fyrir blaðrið í formanni Sjálfstæðisflokksins hefur útþensla ríkisbáknsins ekki verið á undanhaldi með hann í stjórn. Það er sáralítill munur á kommaflokkunum og þeim sem þykjast vera til hægri þegar kemur að útþenslu ríkisreksturs. Þegar kemur að því að láta enda ná saman í bókhaldinu nær hugmyndaflug engra þeirra lengra en að hækka álögur á almenning svo bólstra megi betur ríkisbossa og þenja báknið meira út. Frá síðustu aldamótum hefur ríkisstarfsmönnum fjölgað um 50% og hefur raunhækkun launa þeirra numið 8% á sama tíma á meðan þau hafa hækkað um 2% á almennum vinnumarkaði. Við stefnum óðfluga í franska kerfið.

Vöxum ekki með ríkisvæðingu tækifæranna

Örlæti á fé annarra.

Þarna er opinber embættismaður að gefa fé sem hann ekki á og tæplega hefur hann heimild til að fara að vild með opinber verðmæti.

„Kaldar kveðjur til almennings“

Gleðileg skattasniðgöngujól.

Fyrir mörgum árum gaf vinnuveitandi minn starfsmönnum sínum innlegg á launareikninga í jólagjöf. Þessari jólagjöf var launamanni skylt að deila með ríkissjóði þar sem slíkar peningagjafir voru tekjuskattskyldar. Þær eru enn í dag tekjuskattskyldar mér vitanlega. Nú telja skattasniðgöngusérfræðingar sig hafa fundið leið til að koma í veg fyrir að ríkissjóður fái að njóta jólagjafanna með þeim sem gjöfunum er ætlað að gleðja. Og allir eru samtaka í að líta fram hjá þessari skattasniðgöngu klyfjaðir anda jólanna. Enda fer lítið fyrir öfundarumræðu vinstrimanna í garð Jóakims Aðalandar og co. í algleymi jólahátíðarinnar þó þeir séu almennt mjög uppteknir af henni milli þrettándans og jólaaðventunnar. Hvers vegna ber að greiða tekjuskatt af algildisgjafabréfum bláum að lit sem bera myndir af Ragnheiði Jónsdóttur og Jónasi Hallgrímssyni og gefin eru út af Seðlabanka Íslands en ekki inneignum á plastkortum sem gefin eru út af viðskiptabönkunum ? Nú væri gott að einhver skattasniðgöngusérfræðingur hjá Skattinum legði orð í belg og upplýsti hver sú upphæð er nákvæmlega þar sem brýtur á milli skattfrelsis og skattskyldu plastkortanna sem hér er vísað í.

Jóla­gjafir vinnu­staða: frídagar, 66° Norður og YAY gjafabréf

Leiðteygjur.

Fiskari er karlkyns orð. Maður er tegundarheiti. Konur eru líka menn en það virðist einhvern veginn hafa farið fram hjá þessu fluglærða fólki. Orðskrípisuppfinningar sem þessar hafa færst í vöxt undanfarið og ganga út yfir allan þjófabálk. Nú er talað um forstýru í stað forstjóra. Liggur þá ekki beinast við að kvenkyns leiðtogar séu kallaðar leiðteygjur ?

Fiskimaður verður fiskari í nafni kynhlutleysis