Ofurmenni og vinnujaxlar.

Þetta hljóta að vera algjör ofurmenni og jaxlar til vinnu, með 50.000,- á tímann. Við skulum hafa í huga að almenningur greiðir langstærstan hluta menntunnar þessa fólks og ekki er hægt að réttlæta tímagjaldið út frá dýrum græjum, skrifborð, stóll og laptop, jú og kannski penni og minnisbók. Stundum ætlar allt af göflunum að ganga yfir tímagjaldi bifreiðaverkstæða sem þurfa tæki fyrir tugi milljóna en tímagjald er bara brot af þessu. Gjald fyrir vörubílstrailer með krana (sem kostar tugi milljóna) með manni er talsvert langt innan við það sem þessir skiptastjórar eru látnir komast upp með að rukka. Þetta er bara hrein og klár rányrkja í skjóli yfirvalda. Þetta þarf að stöðva umsvifalaust.

Ekki rukkað fyrir móttöku kröfulýsinga

Athugasemdir

[Guðmundur Ásgeirsson, 24.5.2019 kl. 12:35]

Ég kannast ekki við að almenningur greiði stærstan hluta menntunnar af þessu tagi. Öll mín skólagjöld hef ég þurft að greiða sjálfur eða taka lán fyrir þeim sem þarf að endurgreiða.

[Örn Gunnlaugsson, 24.5.2019 kl. 15:32]

Öll þín skólagjöld vegna skólagöngu hér innanlands amk. duga stutt upp í þær upphæðir sem kostar að reka menntastofnanir landsins. Þessi kostnaður er að langmestu leyti greiddur af skattgreiðendum. Sjálfur var ég við nám í Háskólanum í Reykjavík eftir að hafa lokið námi m.a. í Sjómannaskólanum og Tækniskólanum. Þó einhver skólagjöld hafi verið sem ég þurfti að greiða sjálfur og mest í HR þá eru það skattgreiðendur sem greiða obbann af þessu. Skólagjöld nema við Háskóla Íslands eru bara tittlíngaskítur samanborið við kostnaðinn við að halda þeirri stofnun úti. Þú nefnir námslán, ég vann með námi og tók ekki lán, það er val. Námslán eru þar að auki hagstæðustu lán sem hægt er að fá, 1% vextir og endurgreiðist mv. ca 4% af tekjuskattstofni viðkomandi sem þýðir að í raun ná margir lántakenda ekki að greiða til baka það sem þeir fengu lánað nema þeir nái aldri sem talinn er í hundruðum ára. Svei ykkur sem matreiðið þessa hluti á þennan hátt!

[Guðmundur Ásgeirsson, 24.5.2019 kl. 20:47]

"skattgreiðendur sem greiða obbann af þessu" - Já og námsmenn eru líka skattgreiðendur og þannig greiða þeir fyrir kostnaðinn við rekstur skólanna, auk skólagjalda.

"í raun ná margir lántakenda ekki að greiða til baka það sem þeir fengu lánað" - Og þá lendir það ábyrgðarmönnum eða dánarbúinu og þar með erfingjum þeirra.

Já svo sannarlega svei þeim sem matreiða þessu hluti á þann hátt.

[Örn Gunnlaugsson, 24.5.2019 kl. 22:42]

 Já, og hinir líka þannig að skattgreiðendur greiða fyrir námið þitt og hinna. Hvað greiða þeir sem ekkert greiða í skatta? Þegar námsmaður deyr þá greiðir ábyrgðarmaður ekki neitt en ef námsmaðurinn borgar ekki meðan hann er á lífi þá borgar ábyrgðarmaður eða dánarbú. Eftir 2008 borgar engin neitt því þá er enginn ábyrgðarmaður. Já svei þér og öllum hinum sem láta líta út fyrir að þið þjáist, þið eruð sveitarómagar. Skattgreiðendur borga allt nám hinna rasslærðu, reyndar líka hinna sem gera samfélaginu gagn.