Flugeldagjald í stað Útvarpsgjalds.

Frábært væri í þessari stemmningu sem verður æ sterkari fyrir að leggja af flugeldafikt almennings að leggja RÚV niður og láta svo Útvarpsgjaldið renna óskert til Björgunarsveitanna. Björgunarsveitirnar myndu svo sjá landsmönnum fyrir hóflegum flugeldasýningum um hver áramót sem myndi þá auka öryggi við þetta til muna og því til viðbótar myndi þetta fyrirkomulag efla sveitirnar enn frekar. Lokað væri á prívatgróðapunga til að höndla með þessa vöru. Þá gætu björgunarsveitirnar líka einbeitt sér að björgunarstörfum og geta þá hætt að eyða dýrmætum tíma sínum í fjáröflunarstarf. Útvarpsgjaldinu er mun betur varið í rekstur björgunarsveita en hjá úreltum og tilgangslausum ríkisfjölmiðli.

„Björgunarsveitir lifa ekki án flugelda“