Lögmannaflokkurinn.

Einu sinni var Sjálfstæðisflokkurinn alvöru stjórnmálaflokkur sem státaði af þingmönnum með fjölbreyttan bakgrunn. Þetta var flokkur sem framtakssamir einstaklingar, hugsjónamenn einkaframtaksins fundu sér stað í. Nú hefur þessi flokkur verið gjöreyðilagður en þar er helst að finna í þingsetu lögfræðinga sem flestir fæddust með silfurskeið í öllum opum og hafa búið við ofdekur frá fæðingu. Þeir hafa því engan skilning á hvað er að komast áfram af eigin verðleikum. Ekki er nú formaðurinn þar undanskilin. Þessi flokkur hefur ekki frekar en aðrir nokkra tengingu lengur við almenning og þá lífsbaráttu sem hinn almenni borgari þarf að há. Sama hvar borið er niður er aumingjavæðingin í fyrirrúmi og ekki virðist neinn flokkur hafa nokkra tilhneigingu að hverfa af þeirri braut. Í komandi kosningum er sennilega illskást að beita bara úllendúllendoff aðferðinni eða skíta sig bara ekkert úr við að mæta á kjörstað. 

Þurfi að ræða stöðu Bjarna í forystu

Athugasemdir

[Hrossabrestur, 14.8.2021 kl. 10:53]

Sæll Örn

Já þetta er veruleikinn, miðstéttin breiðfylking vinnandi fólks var hryggjarstykkið í kjósendum Sjálfstæðisflokkstins

ásamt því að vera helstu skattgreiðendur þessa lands eftir að Bjarni Ben og nýfrjálshyggjan náðu yfirhöndinni skildu leiðir.

Vandinn er bara sá að þessi stóri kjósendahópur hefur eiginlega enga góða valkosti, fulltrúar flokkakraðakins sem býður fram til Alþingis

er ekki sett saman af neinu fólki sem skarar fram úr á einhvern jákvæðan hátt fyrir land og þjóð.

kv. hrossabrestur.    

[Örn Gunnlaugsson, 14.8.2021 kl. 12:54]

 Illa kann ég nú við að fá athugasemdir eða færslur frá þeim sem ekki eru menn til að koma fram undir nafni eða fullum kennileitum, jafnvel þó þeir hinir sömu séu mér sammála.