En ef fólk þarf að svelta.

Hætta að moka peningum í fullfrískt fólk og láta það velja um að vinna eða drepast ella. Lífsviljinn er býsna sterkur.

Enginn vildi starfa á trésmíðaverkstæði

Háskólamenntun til trafala ?

,,Ástæðan fyrir því að ekki fáist fólk til starfa þar sem ekki er krafist sérstakrar menntunar sé að fólk sé búið að afla sér háskólamenntunar,,. Hvers konar endemis della er þetta orðin ? Fjöldi fólks er á bótum þar sem það er svo snobbað að vilja ekki taka þá vinnu sem fæðir það og klæðir. En þetta sama fólk er ekki of snobbað til að betla upp úr vösum samborgara sinna. Margir ganga svo langt að segja að hin og þessi vinnan sé þeim ekki samboðin. Má þetta fólk þá ekki bara éta það sem úti frýs ? Ekki gleymdist mér það verklag að þrífa, skúra eða hvað annað sem sérstakrar menntunar er ekki þörf á þó ég hafi aflað mér talsvert víðtækrar menntunar. Fólki er auðvitað frjálst að taka þá vinnu sem því sýnist en hafni það vinnu sem er í boði á það að sjálfsögðu að falla af bótum um leið. Það getur þá bara séð um sig sjálft. Spurning hvort ekki sé rétt að breyta nafni Vinnumálastofnunar í Aumingjaframleiðslustofnun ríkisins.

Tekst ekki að manna fjölda starfa

Guggan....

verður alltaf gul og gerð út frá Ísafirði. Hver man ekki eftir því ? Er ástæða til að trúa að eitthvað annað verði upp á teningnum með Mílu ?

Ekkert breytist með nýjum eigendum

Skæða - Drífa

af rógi og óhróðri frá verkalýðsforystunni. Svona vinna þær stöllur, ógn og skelfing. Nýjasta útspil skæðadrífunnar er að finna á DV þar sem vísað er í meint nafnlaus bréf starfsmanna Play. Þeir sem ekki trysta sér til að koma fram undir nafni eiga einfaldlega að halda kjafti. Ef tilvist hinna nafnlausu bréfa er raunin þá hljóta umræddir nafnleysingjar að vera haldnir einbeittri sjálfspíningarhvöt þar sem þeir hafa ekki dug til að koma sér frá hinum meintu þrælahöldurum en þeim hlýtur að vera frjálst að segja upp. Nýlega voru auglýst 150 störf hjá Play og bárust yfir 4.000 umsóknir. Undraverð er þessi eftirsókn í að komast í vist hjá hinum vondu vinnuveitendum. Væri ekki nær að virkja félagafrelsi sem kveðið er á um í lögum þannig að fólki sé í raun frjálst að standa utan félaga kjósi það svo ? Og forgangsréttarákvæði til vinnu þarf jafnframt að leggja blátt bann við.

„Ólíðandi að virt samtök vinni svona“

Þangað leitar klárinn......

sem hann er kvaldastur. Samkvæmt boðskap ofstækis-valkyrja verkalýðsforystunnar er framkoma forsvarsmanna Play við starfsmenn þeim til vansa og ítrekað er fyrirtækið sakað um að halda starfsmönnum sínum nánast í þrælahlekkjum við slæman aðbúnað. Ekki verður verkalýðsforystan skilin á annan veg en að starfsfólki Play séu greidd smánarlaun sem haldi þeim við hungurmörk. Það er virkilega áhugavert að sjá hve margir sækjast eftir því að komast í hlekki vosbúðar hjá hinum vondu vinnuveitendum.

Nærri tvö þúsund umsóknir

Gagnkvæmur réttur á vinnumarkaði ?

Starfsmaðurinn hefur rétt á að segja upp störfum ef honum líkar ekki. Hins vegar er rétturinn ekki gagnkvæmur. Vinnuveitandinn hefur ekki orðið nokkurn rétt lengur og ræður ekki einu sinni hvaða fólk hann hefur í vinnu. Kenna má lyddunum hjá SA um að hluta en þar á bæ virðast menn vera tilbúnir til að skrifa undir fáranlegustu kröfur ofstækisfulltrúa verkalýðsfélaganna mótbárulaust. Allir vinnuveitendur, einnig þeir sem standa utan SA verða svo forspurðir að beygja sig undir herlegheitin.

Málshöfðun vegna uppsagnar trúnaðarmanns

Nafnlaus nútími.

Nú þykir fínt að saka hina og þessa um alls kyns brot í skjóli nafnleyndar. Skiptir þá engu hve alvarleg brotin eru og staðreyndir eru léttvægar að ekki sé minnst á vitnisburð þess sem ásakaður er. Ætlast er til að öllum slíkum ásökunum sé trúað skilyrðislaust. Það skyldu þó ekki liggja nafnlaus bréf einhvers staðar þar sem forystusveit ASÍ er sögð vera loddarar og örgustu lygarar ? Þá eiga væntanlega allir að taka því trúanlega. Eitt er þó ljóst að eins og vinnumarkaðsmálum er nú komið er forystusveit ASÍ beinlínis ógn við samfélagið. Fyrsta skref til að koma í veg fyrir stórslys er að banna skylduaðild að verkalýðsfélögum. Meintum nafnlausum gungum hjá flugfélaginu sem telja kjör og aðstæður þeim ekki samboðin hafa frelsi til að segja upp störfum og finna sér eitthvað annað að gera, tæplega er um nauðungarvistun að ræða. 

Starfsfólk Play óskar eftir liðsinni ASÍ