Laun Yfirklúðrara.

Fær nefndur yfirklúðrari samt greidd laun fyrir að gera svona gjörsamlega upp á bak, ekki bara á sjálfum sér heldur kjósendum öllum í landinu ? Ekki vantar nú afturendamenntunina á gripinn.

Innsiglað alls staðar nema í Norðvesturkjördæmi

Berst ekkert hvort eð er !

Það er lítil breyting fyrir mitt heimili. Síðasta blað kom í gær, þá í fyrsta skipti í hálfan mánuð. Enginn hér þjáist af þessum sökum. Spurning hvort þeir sem kaupa auglýsingar séu sáttir ef þetta er víða svona.

Ekkert Fréttablað vegna bilunar

Lögvarin rányrkja.

Skylduiðgjald bifreiðar í Noregi er NOK 3.000,- Iðgjald sömu biðreiðar á Íslandi er tvöfalt.....ef þú ert á bestu kjörum. Hlutabréfapúkarnir með sín púkaskott og púkaeyru þurfa sitt. Samtök fjármálafyrirtækja er lögvarinn samráðsvettvangur til féflettingar almennings. Er það tilviljun að þeim vettvangi veiti forstöðu fyrrum þingmaður Samspillingarinnar sem þykist berjast fyrir hagsmunum almennings ?

Sjóvá skili 2,5 milljörðum til viðskiptavina

Snjöll heimska.

Hér á að höfða til heimsku viðskiptavinanna. Láta kúnnann sjá algjörlega um að afgreiða sig sjálfur og gefa búðinni þar að auki prókúru á bankareikninginn gegnum greiðslukortið. Það þykir orðið fínt að vera með símann fastgróinn í hendinni og sumir fara sjálfsagt ekki í sturtu án hans, svona nýmóðins töffaragangur. Sjálfsafgreiðslan sjálf er nú nógu vitlaus fyrir þar sem kúnninn er kominn í vinnu hjá búðinni án þess að fá nokkra umbun fyrir slíkt fyrir utan vandræðin sem skapast á sjálfsafgreiðslukössunum. Ekki dettur mér í hug að reyna frekari afgreiðslu þar og mun í framtímtíðinni aðeins fara á kassa þar sem er starfsmaður af holdi og blóði og svo mikið eitur er þetta í beinum mínum að ég hef hugsað mér að færa mig alfarið yfir í reiðufé aftur. Það er verið að skipta út ódýrasta fólkinu. Hvað ætli Frú Snjallbeitt og Hr. Snjallbeittur á myndinni séu á margföldum kassastarfsmannslaunum?

Sjálfsafgreiðslan er snjöll framtíð

Tímabundin störf.

Hvergi nokkurs staðar er eins mikið af rassapúðri notað til dekurs einnar starfsstéttar og hjá alþingismönnum. Þetta fólk fékk ráðningu til eins kjörtímabils en skammtar sér svo biðlaun upp á fjórföld lágmarkslaun eftir að ráðningarsamningi lýkur til allt að sex mánaða. Engu skiptir þótt þetta lið ákveði sjálft að hætta. Guðni Ágústton ákvað um árið að stinga af úr þingmennsku til Kanarí, Þórunn Sveinbjarnardóttir ákvað skyndilega að setjast á skólabekk þar sem gengi flokks hennar var dapurt. Bæði þáðu þau biðlaun en hvorugt virðist kunna að skammast sín. Síðarnefndi þingmaðurinn er nú að hreiðra um sig aftur í stöðu til að geta stungið aftur af á biðlaunum. Áður fyrr voru þeir hýrudregnir sem stungu af úr skipsrúmi og í engum tilfellum fengu menn borgað fyrir meira en skiluðu starfi. Á þingskútunni eru hins vegar ríkuleg verðlaun fyrir svona hegðun. En auðvitað eiga skattgreiðendur að vera umburðarlyndir og gjafmildir við bágstadda.

Þingmenn eiga rétt á biðlaunum í allt að sex mánuði

Snérist honum hugur ?

Ef hann kaus sama á kjörstað og á utankjörfundarstað er þetta algjörlega tilgangslaus tímaeyðsla. Nema atkvæði hans verði talin á báðum stöðum, er það hugsanlegt ? Þetta kallar maður að láta hafa fyrir sér. En svona eru nú hlutirnir hjá þeim sem helst styðja þennan flokk, tryggja sem flestum atvinnubótavinnu hjá hinu opinbera á góðum kjörum.

Logi kaus tvisvar

Hún vill samt að aðrir flytji.

Hún vill ekki þurfa að flytja aftur þessi dama. En samkvæmt kosningaloforðum hennar vill hún stuðla að því að efnað fólk flytji frá landinu. Það er alveg kristaltært að komist hún og hennar flokkur til valda og hefji eignaupptöku hjá þeim sem farið hafa vel með í jarðvist sinni þá verður stórfelldur flótti eignafólks frá landinu. Við það mun staða ríkissjóðs ekki vænkast. Smartlandinu láðist að spyrja þessa rúmlega þrítugu dömu sem er tiltölulega nýkomin úr námi að því hvernig hún efnaðist svona skjótt, ekki er nám erlendis svo vel af sér gefandi meðan það er stundað, er það ?

„Vonandi þarf ég aldrei að flytja aftur“

D ?

Var það þá D fyrir Drottinn ?

„Þetta tókst, ég kaus rétt“

Ótrúlegt....

hve margir eru sólgnir í að greiða svokölluðum ferðaskrifstofum hér fleiri hundruð þúsunda fyrir að bóka flug og hótel fyrir sig, eitthvað sem gera má á netinu sjálfur og hafa þannig verulega gott kaup. Í ferðaskrifstofugeiranum er okrið allsráðandi.

Eldgos hefur ekki áhrif á ferðalög til Kanarí

Auð atkvæði og ónýtt.

En með réttu ættu auð og ónýtt atkvæði kosningabærra að gilda þannig að fyrir þau fækkaði sitjandi þingmönnum. Þannig þyrftu frambjóðendur að hysja upp um sig brækurnar. Þá er alveg spurning hvort ekki ætti að vera hægt að greiða negatíf atkvæði þannig að slík atkvæði myndi þá virka til frádráttar greiddum atkvæði þess flokks. Það myndi væntanlega auka kurteisi frambjóðenda. Auði flokkurinn svíkur nefnilega ekki neitt.

Hvað gerist ef enginn kýs?