Stofnanir sem þvælast fyrir.

Persónuvernd er ein af fjölmörgum ríkisstofnunum sem gerir ekkert annað en að þvælast fyrir í samfélaginu. Smákrakkinn í Dómsmálaráðuneytinu hefur verið að virkja reglugerðir þar sem almenningi er gert að sinna samfélagsaðstoð verði eftir slíku kallað og ætti slíkt að vera ávallt í gildi. Nú er lag að leggja allar atvinnubótastofnanir ríkisins niður og virkja starfsfólk þeirra í þessa þágu áður en aðrir verða kallaðir til.

Gagnrýnir ÍE fyrir að láta ekki vita strax

Athugasemdir

[Guðmundur Ásgeirsson, 24.3.2020 kl. 18:53]

Ég vona innilega að þú eigir aldrei eftir að lenda í því að einhver banki setji þig á vanskilaskrá fyrir upplognar skuldir sem þú þyrftir að leita liðsinnis við að fá afmáðar.

Þér mun samt eflaust halda áfram að þykja Persónuvernd óþörf allt þangað til þú munt sjálfur þurfa á henni að halda.

[Örn Gunnlaugsson, 24.3.2020 kl. 21:04]

Guðmundur, sjálfur hef ég aldrei lent í þeirri aðstöðu að lenda á vanskilaskrá og á mér tandurhreina fjárhagslega sögu. Ég hef hins vegar orðið vitni að því að td sumarhúsafélag vilji innlima þá sem ekki eiga heima í félaginu og af því viðkomandi var ekki sáttur lenti hann á vanskilaskrá. Sjálfur átti ég í viðskiptum við verktaka og hafði gert upp við hann að fullu skv. tilboði en honum fannst hann hafa átt meira skilið og setti í innheimtu eitthvað sem ekki var samið um. Persónuvernd er bara bull og fólk verður aðeins að fara að hugsa um að sjá um sig sjálft. Ég er nýlega búinn að upplifa það að aðili sem stendur mér nær fór í gegnum gjaldþrot. Hann kláraði 2ja ára fyrningartíma og erfði svo fjármuni eftir foreldra sína. Hann gat fjármagnað 80% af kaupum fasteignar með þeim arfi og óskaði eftir láni frá banka upp á 20% með fyrsta veðrétti í eigninni. Maður í fullri vinnu og kominn á beinu brautina. Nei, Creditinfo heldur lista yfir það sem gerðist til forna og bankarnir nýta það til að sparka í liggjandi fólk. Fari  Creditinfo og Personuvernd til fjandans og allt þeirra fólk með. Hvenær og hvers vegna ætti ég að þurfa á Persónuvernd að halda ? 

[Guðmundur Ásgeirsson, 24.3.2020 kl. 21:17]

Þessi aðili sem þú nefnir að hafi fengið í bakið gamlar vanskilaskráningar, gæti einmitt þurft á Persónuvernd að halda til að verjast slíku. Þú mátt gjarnan benda honum á að hafa samband við Hagsmunasamtök heimilanna, við búum yfir mikilli þekkingu á þessu sviði og reynslu af því að sigrast á Creditinfo mað atbeina Persónuverndar. Góðar stundir.

[Örn Gunnlaugsson, 24.3.2020 kl. 21:57]

En Creditinfo skákar í skjóli Persónuverndar sem ekkert gerir til að stöðva þessa glæpastarfsemi. Þarna er um að ræða aðila sem býður skotheld veð en fjármálafyritækin eru búin að sammælast um að hefna sín á honum út yfir gröf og dauða og það með velþóknun Persónuverndar. Svoleiðis apparöt má skammlaust leggja niður. Eina leiðin til að taka á glæpahyskinu er með þeirra eigin aðferðum, slíkt gerði ég sjálfur í baráttu minni við Landsbankann og Lýsingu eftir hrun vegna fyrirtækis míns sem ég breytti nafni á í Nábítar, Böðlar og Illir andar ehf. Með þeirra aðferðum hafði ég betur. Vopnin snérust í þeirra höndum.

[Guðmundur Ásgeirsson, 25.3.2020 kl. 02:24]

Athyglisvert. Hafið endilega samband við Hagsmunasamtök heimilanna til að fá ráðleggingar. Það er tilgangur samtakanna a.m.k. varðandi einstaklinga.

Ég kannast við að hafa heyrt um Nábíta böðla og illa anda. Þetta var alveg hreint frábær nafnabreyting svo ég segi ekki meira en það hér og nú.