Hvað viltu láta standa á reikningnum ?

Það rifjast upp fyrir mér í sambandi við þessar falsanir Landsvirkjunar þegar ég var að hefja viðskipti við fyrirtæki í Kína fyrir tæpum 30 árum síðan en þá var ég spurður að því þar hvað ég vildi láta standa á reikningunum. Ég var nú svo grænn að ég bað um að þar kæmi bara fram nákvæmlega það sem viðskiptin voru um. Ekki veit ég hvort þetta er ennþá viðtekin venja þarna. Hins vegar veit ég að hægt er að fá vottorð fyrir hverju sem er í fyrrum Austantjaldslöndunum jafnvel þó það sé fjarri raunveruleikanum, hér hefur líka orðið vart við vottaða smiði og múrara þó hvorki kunni þeir að halda á hamri né múrskeið hvað þá að þeir hafi hugmynd um hvað hallamál er. Nú hafa skriffinnarnir í Brussel innleitt þetta Austantjaldsfölsunarkerfi í sitt regluverk og Landsvirkjun nýtur góðs af með að selja fölsuð upprunavottorð. Er prófgráða forstjórans kannski af sama meiði ?

Óviss framtíð álversins