Á dauða mínum átti ég von.....

en að tryggingafélagið hefði frumkvæði að slíkum gjörningi. Ég hefði sennilega ekkert kippt mér upp við að sjá fréttina ef hún hefði birst 1. apríl. Ég er búinn að klípa mig aftur og aftur og vakna bara alls ekki upp úr þessum draumi. Nú er ég farinn að trúa því að fólk innan fjármálageirans sé mannlegt og eigi til samkennd. Ég verð að hrósa Sjóvá fyrir þetta, hef reyndar fundist í gegnum tíðina hagstæðast að vera tryggður hjá þeim. Nú bíð ég spenntur eftir að bankarnir taki við sér og sýni samkennd í verki. Ég bendi á að meðan innlánsvextir á óbundnum debetreikningum eru 0,05% þá eru útlánsvextir á sama reikning 9,5%. Það er 19.000 prósent álagning á fé sem bankarnir höndla með í umboði innlánseigenda.

Sjóvá lækkar iðgjöld bílatrygginga

Skaut hann bjarndýr með regnhlíf ?....

eða var einhver önnur skytta sem hæfði björninn sem féll með alvöru byssu á sama andartaki ?

Á von á fjórða barninu 89 ára

Ekki saman að jafna.

Fullyrðingar um að þeir sem eiga sína bústaði séu endilega tekjuhærri stenst enga skoðun. Þá er notkun einkabústaða oft á tíðum annars eðlis en félagabústaða þar sem partýstand er oft talsvert. Margir sem eiga sína bústaði búa hreinlega í þeim þar sem notkunin er sem slík þó þeir eigi jafnframt litla íbúðaholu til að skrá lögheimili sitt í vegna fáranlegs lagabókstafs. Oft á tíðum eru þetta jafnvel aðilar sem eru hættir á vinnumarkaði eða hafa minnkað við sig vinnu. Kommúnistarnir í Eflingu eru alveg pikkfastir í þessari "Þeir og Við" hugsun. Hér skín í gegn hugsjón þessa fólks um að betra sé að allir hafi það skítt frekar en að flestir hafi það gott, fáir hafi það skítt og fáir gríðarlega gott. Einkaaðilar þykja nógu góðir til að sitja í sóttkví í sínum bústöðum en eins og fram hefur komið henta félagabústaðir ekki til slíks.

Loka sumarbústöðum í apríl

Leðurblökuborgari með steiktum snákum.

Við færumst skrefi nær alvöru asískum matseðlum. Smakkaði eitt sinn eitthvað sem líktist helst ánamöðkum í Kína fyrir mörgum árum. Það var með þann rétt sem og marga aðra sem virka "fjarska" spennandi að lítið fannst mér til þeirra koma en gaman að hafa smakkað einu sinni á lífsleiðinni. Íslendingar eru reyndar duglegir við að gagnrýma það sem sumar aðrar þjóðir láta ofan í sig á sama tíma og þeir hesthúsa úldinn fisk á Þorláksmessu og annan skemmdan mat á Þorranum til minningar um þá tíma sem kæli- og frystitæki voru ekki fáanleg. Samt sem áður aðhafast heilbrigðisyfirvöld ekki neitt td. þegar veitingahús landsins sérhæfa sig í úldnum fiski og mengunarmælar Umhverfisstofnunnar líða út af sökum ýldufnyks sem svífur sem þétt þoka og læðist í krók og kima.

Útlit fyrir að skordýr verði leyfð til manneldis

Þjóðnýting lífeyrissjóðanna.

Það ætti ekki bara að lækka mótframlagið. Nú er dauðafæri fyrir ríkið að þjóðnýta lífeyrissjóðina vegna sérstakra aðstæðna. Það er jú eignaupptaka en svona eignaupptöku þurftu þeir sem sýnt höfðu ráðdeild og safnað til mögru áranna að sætta sig við eftir efnahagshrunið í stjórn Þistilfjarðarmóra og Silfurskottunnar. Þá lögleiddu þau eignaupptöku hjá þessu fólki og kölluðu það auðlegðarskatt. Séu eignir hirtar af fólki er það ekki skattur heldur hrein og klár eignaupptaka og/eða þjófnaður. Fæstir þeirra sem greiða í lífeyrissjóð njóta þess þegar kemur að töku ellilífeyris því ríkið hirðir þetta með því að stela þeim réttindum sem fólk hefur safnað sér upp hjá Tryggisngastofnun Ríkisins á móti. Lægsta staðgreiðsluprósenta í dag er ekki 35,04% heldur í raun 50,54% (35,04+4+11,5%). Nú ætti ríkið að þjóðnýta lífeyrissjóðina vegna sérstakra aðstæðna, þ.m.t. eftirlaun og sjóði opinberra starfsmanna sem yrðu þá lagðir niður um leið. Þá yrði greiðslum í lífeyrissjóði hætt þannig að launakostnaður fyrirtækja lækkaði sem nemur mótframlaginu og hætt yrði að draga 4% af launamönnum sem geta lagt fyrir sjálfir ef þeim sýnist svo og kemur engum öðrum við. Ofurlaunagreiðslur til smalafólks lífeyrissjóðanna myndu þá sparast einnig. Þegar kemur að töku eftirlauna fá allir jafnan ellílífeyri frá TR í hlutfalli við búsetu sína á Íslandi. Þar sem þingmenn myndu fá til jafns við lýðinn er líklegt að þeir myndu ákveða upphæð þess ellilífeyris sem hægt væri að lifa af. Þeir sem búa vilja í haginn umfram það geta gert það og kemur engum öðrum það við.

Vandinn á „bara eftir að aukast“

Kínín gegn malaríu.

Fyrir ca fjórum áratugum var ég í siglingum til Afríku. Til að forðast að smitast af malaríu átum við skipsfélagarnir reglulega samkvæmt læknisráði pillur sem innihéldu Kínín en það átti að hamla gegn því að veikjast af pestinni. Sá heilbrigðisstarfsmaður sem sprautaði okkur skipverja fyrir hinum ýmsu pestum sem mátti eiga von á í þessari heimsálfu þá upplýsti okkur um að Tonic water innihéldi  víst einnig kínín og gagnaðist því í þessu tilliti. Við vorum að sjálfsögðu fljótir að snúa þessum upplýsingum á þann veg að okkur bæri að drekka Tonic water samkvæmt læknisráði. Tonic water er hins vegar algjörlega ódrekkandi nema því sé blandað við annan vökva sem ég ætla ekki að auglýsa hér. Neysla okkar á Tonic water eins og við stunduðum hana olli því talsverðum aukaverkunum, misalvarlegum eftir neyslumagni en ekki er mér kunnugt um hvort þær aukaverkanir hafi verið af sama meiði og þær sem fjallað er um í fréttinni hér. Spurning hvort kínín sé virka efnið sem slær á Covid-19 og þá hvort gagnlegt væri að landinn hellti bara reglulega upp á sig með ... og Tonic?

Hætta að nota lyfið við veirunni vegna aukaverkana

Handsaumaðir í Sviss ?

Eru bolirnir handsaumaðir í Sviss ? Ef kostnaðarverð eru tæpar 1.900 krónur án vsk þá hlýtur það eiginlega að vera. Eða fer aðeins HLUTI hagnaðar þangað sem vísað er? Gott framtak en rétt að segja ALLAN sannleikann.

„Ég hlýði Víði“-bolir til styrktar gjörgæslunni

Bandaríska plágan.

Það er eins og aldrei megi kenna neitt slæmt við Bandaríkin eða segja ljóta hluti um þau sem sannir eru. Spænska veikin kom fyrst upp í Kansas í Bandaríkjunum og breiddist þaðan til Evrópu, kannski ágætt að halda því til haga. Sá appelsínuguli í Vestrinu hefur talmið sér að tala í sífellu um Covid-19 sem Kínversku pláguna en ljóst virðist að hún er þaðan komin. En er þá ekki rétt að plágan 1918 fá sitt rétta nafn og verði kölluð Bandaríska plágan í daglegu tali?

Þrjár leiðir til að „klára“ faraldurinn

Þvergirðingur í skjóli embættishroka.

Einkafyrirtæki myndi skipuleggja sig í ljós aðstæðna og hafa opið í hádeginu með því að starfsmenn skiptust á að fara í mat. Þeir sem koma í strætó eða gangandi bíða úti hvort eð er og er það tæplega á ábyrgð þeirra sem koma á bílum. Þetta steinrunna opinbera apparat þarf að einkavæða sem allra fyrst. Þessi embættismaður er ekki að átta sig á að hann er í vinnu hjá almenningi. Hann á ekki að hegða sér eins og einræðisherra.

Biðröð út á götu hjá sýslumanni

Hraðvirkasta samningaleiðin.

Verkalýssinnar tala ávallt eins og aðeins launagreiðandinn sé að semja og ef ekki nást samningar þá sé það allt launagreiðandanum að kenna ef ekki nást samningar en aldrei þeim sem sitja gegnt þeim borðsins, þ.e. launþegunum. Samningsaðilarnir eru yfirleitt tveir og báðir að reyna að ná því besta fram fyrir sig og sína. En væri kannski best að láta bara alla semja við sjálfa sig um kaup og kjör rétt eins og þingmennirnir og æðstu embættismennirnir gera í raun ? Það er reyndar gert með smá krókaleiðum svo vitleysisgangurinn sé ekki eins augljós en svona er það nú samt.

Gagnrýndi Bjarna og vísaði til kökuskreytinga