Tækninni fleygir fram og......

þau störf sem eru í opinbera geiranum eru mörg hver þess eðlis að þeim ætti að fækka stórlega vegna þess eins að þau eru leyst af hólmi með tækninýjungum. Þá er ég ekki að vísa til hjúkrunar og löggæslustarfa. Fjöldi opinberra starfa er algjörlega óþarfur og í raun ekki annað en atvinnubótavinna og verst er að fjöldi þeirra þvælist fyrir í samfélaginu. Þyrfti að fara í heildarúttekt á því hvað opinberar stofnanir eru að sýsla og leggja niður óþarfann. Það sem má vera hjá einkaframtakinu á svo að fá að vera þar í friði fyrir hinu opinbera en alls ekki hjá því. Þeir sem starfa síðan hjá hinu opinbera eiga ekki að njóta starfsöryggis umfram þá sem starfa á almennum vinnumarkaði og þeir eiga alls ekki að fá bætur fyrir að fá ekki stöðuna sem þeir sóttu um eins og verið hefur.

Opinberum starfsmönnum fækkað hlutfallslega

Pláss fyrir innfædda.

Loksins kom að því að pláss verður fyrir innfædda að ferðast um eigið land. Ferðaþjónustufyrirtækin sem horfa fram á samdrátt í tekjum munu þó að þurfa að ganga á digra sjóði sína sem þau hljóta að hafa byggt upp í gósentíð síðustu ára meðan meðan selt var inn umfram það sem pláss leyfði. En er skellurinn eins alvarlegur og látið er í veðri vaka ? Stór hluti starfsmanna í ferðaþjónustu eru fluttir inn frá láglaunasvæðum og þá er bara að flytja inn minna af því starfsfólki. Svo er heldur ekki búið að vera eðlilegt flæði erlendra ferðamanna undanfarið.

Hundruð milljarða eru í húfi

Hjálparþurfi, greyið.

Auðvitað þurfa eigendur Bláa Lónsins að koma sér fyrir á ríkisjötunni með þeim sem raunverulega þurfa stuðning í þessum hremmingum. Þetta fyrirtæki er búið að moka inn peningum undanfarin ár, nokkrir milljarðar greiddir í arð í fyrra og ekki virðast stjórnendurnir hafa borið gæfu til að leggja fyrir til mögru áranna. Vilja þeir ekki byrja á að gefa eitthvað af arðinum á garðann áður en þeir leggjast á beit við hann? Víst er ástandið núna fordæmalaust en fyrir mörg fyrirtæki er þetta himnasending til að komast hjá því að viðurkenna óráðsíu og slæman rekstur alveg eins og í efnahagshruninu. Jafnvel eigendur fyritækja sem komin voru að fótum fram áður en fyrsta smit greindist munu nota frasann um að hér hafi komið upp fordæmalaust ástand. En svona er nú reyndar búið að gera samfélagið, þeir sem sólunda öllu eiga vísa aðstoð stjórnvalda en hinir sem sýna ráðdeild og fyrirhyggju geta bara étið það sem úti frýs. Á Íslandi borgar sig hreinlega ekki að leggja fyrir vegna þess að stjórnvöld gera allt slíkt upptækt. Þá skiptir engu máli hvort hinir hefðbundnu vinstri flokkar Villtir Galnir eða Samspillingin er í stjórn aða Kommúnistaflokkur Bjarna og Framsóknarvinnumiðlun Sigga.

Fleiri uppsagnir án útspils stjórnvalda

Af hverju ekki lækkun.

Nú þarf allur almenningur að taka á sig verulega kjaraskerðingu. Hér er hins vegar um að ræða fólk sem er mjög ofarlega í launastiganum. Hvers vegna lækkar það ekki um ca helming meðan þetta ástand gengur yfir?

Frysta laun þingmanna og æðstu embættismanna

Lífsnauðsynleg innvortis sprittun.

Þetta sýnir í raun forgangsröðunina hjá krakkanum í dómsmálaráðuneytinu. En þar sem ég er Kóviti úr hófi fram hlýt ég að misskilja þetta. Er innvortis sprittunin jafn lífsnauðsynleg og útvortis ? Þó ég sé nú enginn bindindismaður þá held ég að það síðasta sem þjóðina vantar í þessum hremmingum sé aukið aðgengi að áfengi. Ef fólk er í alvarlegum fráhvörfum þá hlýtur að vera hægt að bjarga sér með eins og einu sippi úr handsprittbrúsanum. Aðuðvitað finnst veitingamönnum sjálfsagt að rekstri þeirra verði bjargað með því að fórna lýðheilsu landans.

„Gæti reynst sem plástur á svöðusár“

Gagnleg verkefni.

Er ekki hægt að fela starfsmönnum Persónuverndar einhver gagnleg verkefni meðan verið er að komast í gegnum hremmingarnar ? Nóg þvælist þessa apparat sem og fjölmörg önnur atvinnubótastarfsemi á vegum ríkisins fyrir að öllu jöfnu.

Samtal vegna forrits „mjög þétt“ frá upphafi

Í alvöru?

Nú er ég aldeilis hissa, hélt að gert hafði verið ráð fyrir því í reiknilíkönum að veiran væri í fríi, amk. helgidagana. En ég er nú "soddan" Koviti.

Veiran tekur sér ekki páskafrí

Veldur ekki verðbólgu, Kóvitar vs. Hjarðhúnar ?

Heildarverðmæti breytist ekki. Verðgildi peninga ræðst að miklu leyti af magni þeirra í umferð. Prentun peninga er væntanlega til þess fallin að auka magn þeirra í umferð, til skamms tíma eykur það kaupgleði en til lengri tíma þynnir það út verðgildi hverrar peningaeiningar, eða hvað ? Veldur slíkt ekki verðbólgu eða er búið að breyta hagfræðinni ? Með þessu fæst minna fyrir hverja peningaeiningu. Nú á tímum eru þeir sem gagnrýna yfirvöld úthrópaðir Kóvitar og er fjöldi þeirra mun minni en fjöldi Hjarðhúnanna sem elta rassinn hver á öðrum fram af bjargbrúninni strangtrúaðir á yfirvöld sem eru augljóslega að fálma sig áfram í myrkri og þoku.

„Svigrúm til að prenta peninga“

Hinir ósnertanlegu.

Nú þegar allur almenningur þarf að taka á sig verulega kjararýrnun vegna ástandsins með launalækkun eða skertu starfshlutfalli og jafnvel atvinnumissi tróna áfram á toppinum hinir ósnertanlegu í sápukúlum ríkisstofnana. Ekki hafa stjórnvöld minnst einu orði á að þeir sem sitja í hásætum fílabeinsturnanna skuli taka þátt með almenningi og sæta launalækkunum og skertu starfshlutfalli. Það er nefnilega svo að þetta fólk telur sig ekki eiga að þurfa að taka þátt með almenningi í þeim búsifjum sem þjóðarbúið verður fyrir. Hins vegar eru þessir sömu aðilar snöggir í prósentureikninginn þegar launaskrið verður á almennum vinnumarkaði. Það vantar ekki spádómsgáfnasvipinn á spekingana í Seðlabankanum þegar þeir birtast á kynningarfundum með stirnandi töfrasprota sína og þykjast þess megnugir að spá að einhverri alvöru um framtíðina í þessu ástandi. Spár þessara spekinga eru í besta falli jafnáreiðanlegar og stjörnuspár Siggu Kling að ekki sé minnst á stjörnukort Gulla stjörnuspáspútníks. Sá sem fer fyrir Prúðuleikhúsinu við Kalkofnsveg nú taldi sig hafa ýmislegt fram að færa sem forstöðumaður greiningardeildar eins af viðskiptabönkunum fyrir efnahagshrunið 2008. Hollt væri að rifja það spádómsgáfnatal hans upp nú í ljósi þess sem raungerðist. Svo getur oft reynst vel að kynna sér hverra manna það fólk er sem "valist" hefur til þeirra embætta sem það sinnir. Þá er það oft æpandi að klíkan hefur vegið þyngra en hæfileikar sem ekki virðast skipta nokkru máli þegar kemur að því að verma bómullarfyllta hægindastóla mistilgangslítilla ríkisapparata.

Hagvöxtur gæti orðið neikvæður um nær 5%

Stofnanir sem þvælast fyrir.

Persónuvernd er ein af fjölmörgum ríkisstofnunum sem gerir ekkert annað en að þvælast fyrir í samfélaginu. Smákrakkinn í Dómsmálaráðuneytinu hefur verið að virkja reglugerðir þar sem almenningi er gert að sinna samfélagsaðstoð verði eftir slíku kallað og ætti slíkt að vera ávallt í gildi. Nú er lag að leggja allar atvinnubótastofnanir ríkisins niður og virkja starfsfólk þeirra í þessa þágu áður en aðrir verða kallaðir til.

Gagnrýnir ÍE fyrir að láta ekki vita strax